遠近慈明: 小慈8歲1個月

顯示具有 小慈8歲1個月 標籤的文章。顯示所有文章

2014年6月16日星期一

兩個爸爸

做基督徒真係好幸福, 除左有爸爸之外, 我地仲有在天上的爸爸 ^^

天父, 父親節快樂!!! 教會今日盆花好靚呀~

在座既父親們, 每人都有一份禮物

總共有 3 隻色既皮帶 -- 黑色代表穩重, 啡色代表前衛, 藍色代表活潑 :)

教會仲有教小朋友親手整小手工送俾爸爸, 清一色係領帶, 呢條係小慈整既

呢條係弟弟整既, 其實佢同爸爸都似樣架, 兩個都大頭

仲神情一致添

父親節特備節目去探楊牧師, 今日我地好榮幸參加獻堂禮

楊牧師自己親自裝修, 好厲害, 好靚呀!!!

楊牧師交友甚廣, 呢幅字畫來頭不少, 出自方舟陳昆乾

福建省金門人，1939年生，別號仙山樵夫，受洗為基督徒後，又號方舟。曾任中小學教師、校長、臺灣師範大學講師、中華民國詩書畫家協會秘書長，現任中華民國書學會顧問。林青霞主演電影「笑傲江湖」第二集「東方不敗」片頭題字，「暗戀桃花源」電影原聲帶題字、國父紀念館、中正紀念堂、山東大學、河南翰園皆為其書法作品

今日仲遇見呢四位同校書友仔 ^^

小明升一年級, 諾諾升二年級, 小慈升三年級, 恩恩升四年級

恩典豐盛慈愛喜樂, 常常圍繞緊緊跟隨天父的人, 楊牧師既見證經歷, 佢對神既依靠和順服, 帶俾我好多鼓勵信心和提醒! 神冇應許過天色常藍, 基督徒都唔係一帆風順事事如意, 但烏雲背後總有太陽, 只係你暫時睇唔到, 唔代表太陽唔係度, 困難中一定有出路, 只要依靠順服, 神一定帶領我走每一步, 感恩我有天上的爸爸 ^^

父親節快樂!

2014年6月15日星期日

父親節巨獻

雖然父親節比起母親節, 商場冇咁重視連 banner poster 都少, 但對於自家既爸爸們, 我地依然熱烈為佢地慶祝的!! 父親節快樂~~~~ We Love You 爸爸 ^8^

小慈小明自製既父親節禮物

全家都鍾意食泰國菜, 出街食真係超貴不如自己煮! 一早帶埋弟弟去買餸, 呢位小朋友對舊南薑愛不釋手話佢似隻馬, 聽到我話要切開佢煮野食仲喊添 >.< 終於我係要買過另一舊南薑

小慈小明好興奮, 落力幫手切菠蘿, 切蕃茄, 切草菇, 摘菜葉, 非常落力! 自己幫手整既野, 特別好食

都要出動爸爸幫手, 因為佢老婆我唔識劏蟹 >v<

三隻頂角膏蟹油爆中, 香味四溢~~

今晚既晚餐包括: 鮮胡椒炒蟹, 紅咖哩菠蘿大蝦, 冬蔭公湯, 香葉包, 醉豬手, 巴東牛肉, 自製蜜汁叉燒, 蝦醬炒通菜, 蒜蓉辣椒炒蜆.... 係咪吸引到流口水呢 ^^

三位爸爸父親節快樂, 身體健康, 主恩滿滿

好飽呀! 大家都捧住個肚返屋企

簡單, 開心, 滿足

2014年6月8日星期日

樹木講座

誤打誤撞, 報名參加康樂及文化事務署舉辦既「樹木講座暨樹木遊踪野外定向活動」, 去左大埔海濱公園

好耐冇黎玩喇

大大間昆蟲屋, 冇得睇住, 因為我地要聽左講座先

介紹香港常見既 27 種樹木

有 notes 又有實物研究, 小慈聽得好留心

弟弟連放大鏡都帶埋黎, 研究緊鳳凰木既羽毛狀樹葉

簡單介紹完就出去實戰, 跟住羅先生去搵番 27 種樹出黎

尋幽探秘中

小明周圍執雞蛋花, 兩隻手仔唔夠羅就插到成頭都係

笑死人喇~~~ >v<

中間呢棵係木麻黃, 樹身高大, 樹幹挺直, 葉似針葉

呢棵係樟樹, 生命周期最長可以去到 400 歲!!

小慈手上就係樟樹既葉, 唔知呢棵幾多歲呢?

走均成個公園, 見埋回歸紀念塔

爸爸好犀利, 27 棵樹名岩晒, 有禮物 ^^

今日好舒服, 天陰冇雨又涼涼地, 周圍行又冇蚊, 真係好正呀! 讀萬卷書不如行萬里路, 書本既知識再配合實物實地觀察, 梗係深刻印象啦! 27 種樹學唔晒都記到一半, 以後出街係咁易指住一棵樹都叫得出佢名, 我覺得真係威咯..... 個棵咪就係香港市花洋紫荊羅, 哈哈哈哈哈 >v<

2014年6月7日星期六

兒童探知館

去得文化博物館, 點會唔順便去埋兒童探知館呢? 兩姐弟走馬看花咁睇完宮崎伯伯原來就係心急想去玩

我地去左米埔呀

平日冇人, 真好

Dragonfly 既眼真係好複雜, 唔怪得佢飛到時高時低咁, 真係好難睇 >.<

好在兩個都輕, 冇坐斷櫈

最鍾意玩呢個電腦遊戲, 保護中華白海豚

化身考古學家

小慈同爸爸玩緊拍公仔紙

大家好, 我係客家人

婆仔小慈 ^^

好玩! 好玩!!

宮崎駿

考完喇!!! 考完喇!!! 終於考完試, 雖然未知道成績, 但小慈學習態度良好, 好乖好合作, 就獎勵你去街輕鬆一下啦~~

文化博物館有宮崎駿伯伯既手稿睇, 小慈小明熱愛龍貓, 波兒, 千尋, 娜烏西卡..... 趁今日係平日搏佢人少少, 即刻出發!!!

未入場已經有幾隻狸貓歡迎我地

呢套係即將上映既輝耀姬物語, 瞓著個個就係輝耀姬小公主

嘩~ 好爽呀! 門口冇人排隊

就係呢個吉卜力工作室場面設計手稿展

我地準備入場同波兒, 龍貓影相, 好鍾意見到兩姐弟攬頭攬頸 :)

波兒波兒波兒, 魚兒小寶貝, 小慈 N1 時成日都唱

好大隻龍貓, 佢肥到腳掂唔到地 >.<

瞓係龍貓個肚腩度好舒服 ^^

勁開心的兩姐弟

展覽館分兩層, 影完相上去睇手稿, 超大的手稿波兒

非常有氣勢既油屋

好多可以影相既地方, 真係要揀平日去, 一人多都唔知點影

勇敢善良既千尋

哈爾移動城堡遠睇原來有頭有眼, 仲出晒煙

吉卜力工作室就是 Studio Ghibli, 負責將宮崎駿的創作製作成卡通電影

發現煤炭屎鬼

仲有得自由創作, 即場俾你畫公仔

小明畫完煤炭屎鬼唔捨得貼上牆, 一定要自己羅番屋企

每幅畫都手工細緻, 宮崎伯伯真係好犀利!!

入場守衛森嚴冇得影相, 唯有上網搵啦

弟弟最鍾意既皇蟲

小慈對於手稿有中文字好興奮

最有趣係呢個剪影

呢個就係宮崎伯伯, 佢既動畫真係影響幾代既人, 筆下既女主角個個聰明善良勇敢熱愛大自然, 我細時睇好感動, 到我而家俾我既仔女睇一 d 都冇脫節, 故事仍然吸引 ^^

風之谷 Nausicaa of the valley of the wind (1984)
天空之城 Laputa: Castle in the sky (1986)
龍貓 My neighbor Totoro (1988)
再見螢火虫 Tombstone for Fireflies (1988)
魔女宅急便 Kiki's delivery service (1989)
歲月的童話 Only yesterday (1991)
飛天紅豬俠 Porco Rosso (1992)
百變狸貓 Pon Poko (1994)
夢幻街少女 Whisper of the heart (1995)
幽靈公主 Princess mononoke (1997)
千與千尋 Spirited Away (2001)
貓之報恩 The cat returns (2002)
哈爾移動城堡 Howl's Moving Castle (2004)
崖上的波兒 Ponyo on the Cliff by the Sea (2008)
借東西的小矮人亞莉亞蒂 The Borrower Arrietty (2010)