好大塊草地呀!!!
點解會有咁多波波既呢? 唔理咁多, 玩左先講!
坐上去又得
企上去亦得!
連坐兩個波都得! 玩到不亦樂乎
有大草地梗係要玩飛碟啦!
趁太陽未落山, 我地要盡快搭好帳篷同埋天幕
努力呀! 鎚釘呀! 小慈眼界好準
天幕製作成功!
下午茶時間
小明對於去 camp 有 param ham 食表示驚喜, 口水流了一地
正呀喂!
食飽飽, 我地就上雞公嶺睇日落
向前走呀努力向前走, 前進莫退後
小朋友真係好精力, 上樓梯易過食生菜
小慈原來想行山好耐, 堅決今日要攻上山頂!
成段路都係黃土, 都容易跣腳, 一陣落山就好玩咯
有 D 木梯斷左, 有 D 地方冇梯, 呢度寫住 172 級, 但我相信我地應該行左超過 200 級樓梯, 電話 App 記錄左我行左 39 層樓梯, 行山真係最佳運動
呢幾個小朋友真係好叻, 尤其係最細仲要打住石膏單手行山既琛仔!
攻頂了!! 呢度風景一流, 遠眺深圳河
呢張相係小慈影既, 佢話棵樹好型呀
弟弟, 你隻手手唔好撕樹皮好喎
三位等太陽伯伯收工既小孩
搵個靚位坐低睇日落
好舒服呀!!
全境
專業攝影師的視角
太陽落山之後個天會黑得好快, 要快 D 行啦!
你睇我地個營地幾有氣氛
辛苦 Bessy & Henry 為我地預備晚餐
當農曆年周圍都冇炭賣既時候, 呢度有燒烤爐可以租, 5 斤炭連所有用具 $200, 抵呀!
開餐了! 乾杯~~~
小明既杯中物其實係橙汁 :DD
甜品係燒綿花糖
呢副牌超好玩, 叫 Dobble
大家都帶左好多野黎營地玩
營地呢隻貓貓好可愛, 一喵佢就埋你身架喇!
今日真係玩得好開心, 可惜媽媽初四要返工, 今晚唔可以留低宿營, 下次再玩過啦!
沒有留言:
張貼留言