海鮮蒸鍋

真係估唔到, 返教會都可以食海鮮蒸鍋!  今晚栽培員家會團拜聚餐, 相約在教會停車場開餐, 邊食邊聚會!  期待左咁耐, 今晚終於唔駛 OT, 準時返教會了!!

成枱都係, 好多野食呀!!!

怕大家肚餓, 先食個潮州四寶

湯底用芫茜滾起, 粉絲不是龍口, 魚蛋出自九龍城, 味道好特別啊!

唱下詩歌聽下分享彼此代禱後, 我地開始蒸海鮮了!

每種海鮮都係蒸 5-10 分鐘, 好快有得食!

重金禮聘岱琳姐即席烹調, 佢 D 自製醬汁真係冇得輸

遊戲大師 Keynes 出動了!  要我地畫聖經中 4 個字的祝福, 好難啊!

玩遊戲之際, 大廚用剛才蒸海鮮既鮮湯煮潮州蠔仔粥

足料味美, 返潮州教會真係太幸福了!!!

美食共享, 彼此分擔代求, 有同路人的人生真是太美!