招呼兩打人

承蒙大家厚愛, 提摩太團竟然決定黎我地屋企團拜 @.@  連埋我地有 6 家人, 總共 24 人!!  首先要解決既, 當然係晚餐既問題啦, 要餵飽大大小小 24 口, 就出動我地既拿手小菜 -- 包水餃 ^^

除左水餃做主菜, 秋師傅仲為大家預備左大量街頭小食 -- 咖哩魚旦牛丸蘿蔔豬皮魷魚鬚牛柏葉, 你睇, 阮師母已經流晒口水

勁足料既碗仔翅, 小慈小明用手撕左兩隻雞架!

仲有極度受小朋友歡迎既春卷, 培培行兩步就食兩啖, 好可愛呀!

BB 當入樽

我地張按摩椅非常受歡迎, 痛苦中有快樂就係呢個表情

無端端企到咁高做咩?  原來為左玩搖搖

月光寶盒當然要攞出黎招呼人啦

這邊箱有師母親教穴位按摩

屋仔細細可以招呼咁多人真係一個創舉

同場加映為二月之星慶祝生日 ^^ Happy Birthday to 培培, Sandy & Keynes!!

派利是既開心, 收利是既高興, 恭喜!  恭喜!!

見到大家食得開心, 玩得盡慶, 個個捧住個肚返屋企, 玩到唔捨得走, 真係榮幸呀!!!