馬崇 60 周年校慶聚餐

有幸加入呢個大家庭, 一入黎佢已經 60 歲!  今日小慈一早要返學校練歌, 下午參加 60 周年校慶感恩崇拜, 傍晚我就去 meet 佢一齊出旺角倫敦大酒樓出席六十周年校慶感恩聚餐

有晒展版咁一定冇去錯啦

難得既機會可以認識老師同小慈既同學仔

班主任明太, 一見到我就話小慈好乖, 上堂又專心又積極

班主任陳 Sir, 話小慈上堂好留心, 功課筆記整齊企理, 英文成績係全班最好既一個, 好抵錫

中文老師, 讚小慈中文根柢好好, 作文作得好好, 又鍾意上中文堂, 好有反應

數學老師話小慈聽話易教

中史阿 Sir 冇咩野講, 但都話佢上堂留心, 簡直係一致好評呀!  小慈在學校表現好好呢!

郭啟明校長, 個名同弟弟差一個字, 梗係記得啦!

體育老師一見到我就讚小慈有體育天份, 人雖然細細粒瘦瘦咁, 但好有力跑得又快, 教佢既技巧一次就識, 上手, 係可造之材, 佢地兩個體育老師都好睇重小慈呢!

1B 大合照

小慈既好同學梁愷埕, 一見面就拉左小慈出去玩

成班女同學都好 friend, 我一叫影相大家非常合作, 超乖!

路過既陳 Sir 一齊影相, 但佢個表情太爆笑

好勁, 今晚筵開 76 席

節目一, 唱校歌!

小慈猜贏左, 得到 table price 即食鮑魚一罐

見到小慈在學校表現咁好, 個個老師都對小慈讚不絕口, 同同學相處又好, 媽媽真係好安慰, 好感恩!

為你感謝天父俾你入到一間適合你既中學!  天父垂聽我地每一晚既祈禱呢!