更有意義的父親節

父親節其實係最開心, 因為已經考完試等放暑假!  孝心的小慈小明決定自己親手整份禮物俾爸爸

就係去 Lego Shop 搵零件即場砌架車俾爸爸啦!  真係唔容易, 呢架車砌左兩個鐘架!

玩到 2:00 pm 先食 lunch, 餓到偏左

自己都好鍾意架車, 不停話好型, 又話個司機勁似爸爸, 好自豪

太鍾意食泡乎, 食到縐皮眼同大鼻孔都出晒.....

跟住我地仲去文具店買父親節咭俾爸爸添, 寫咭梗係要靚筆, 最高興就係買筆, 多多都唔夠用

約左爺爺食自助餐, 心急既小慈其實好想快 D 送禮物, 見到爸爸差 D 忍唔住爆響口!

第一次幫襯呢間都會海逸, 我地鍾意食既野如 Prama Ham, 長腳蟹, 生蠔, 芝士都有, 不過價錢好貴啦!

我鍾意食既鴨肝, 拼死食左三舊 :P

呢個係榴槤特區, 全家得爺爺, 小慈同我鍾意食, 其餘人等四散, 哈哈哈~~

極度冰凍既雪糕, 要攤熱先食得

一家人齊齊整整健健康康最開心 ^^

受小朋友歡迎既爸爸同舅父!  學牧師話, 爸爸返到屋企既溫度係點?  凍左?  冇野?  我地屋企係嗌破喉嚨啦!!

長樓梯最岩影相

三位爸爸, 父親節快樂!

返屋企第一時間就係送禮物, 爸爸笑到矇晒眼

搵左好耐既坐墊, 希望爸爸岩用啦!

「啾」要送俾秋, 呢張咭專登搵架!

父親節正日梗係要返教會同天父爸爸慶祝!  教會又送小小禮物俾所有爸爸

係指甲套裝黎架, 爸爸都係時候要整理下自己

為父親節添上更多既意義, 為天父爸爸傳福音!

我地為到教會黎緊星期五、六、日 (22-24/6) 既佈道會到賈炳達道單車公園派單張

爸爸今日好厲害, 最快派晒, 又同街坊吹下水, 大家記得星期五六日黎聽佈道會呀!

教會送既小毛巾真係好柔軟好好用, 岩晒夏天

辛苦過後有餐食, 小慈小明最鍾意食串燒同飲椰青

咖哩大包名不虛傳

父親節特別為爸爸祈禱

父親節的由來

父親節快樂!!  We Love You 秋秋 the Super Dad!!