又係食食下飯覺得有野硬硬地, 原來係甩左隻牙, 好在冇吞埋落肚咋........
BB 時買落既牙仔盒, 今日盡左佢既歷史任務, 儲齊曬喇~~~~
攪完隻牙, 又要努力溫書, 努力考畢業試! 媽媽除左夜晚做伴讀, 朝早提供雞精班之外, 仲有供應大量零食飲品, 買左小慈最鍾意食既桃, 弟弟最鍾意食既士多啤梨乾、咖啡曲奇幫你地加油, 努力努力呀!!
天氣反常, 連續 15 日酷熱天氣警告之後引來今年最早既風球! 第一次考試受到颱風威脅, 小慈小明史無前例地希望打唔成, 因為好想快 D 考晒試快 D 等放暑假, 遲一日都唔想, 點知, 今朝我同佢地講, 唔好意思呀, 天文台話今日真係 8 號呀............. 今日 6月 8 號 :DDDDDDDDDDD
日日雷雨, 撐住把靚傘心情特別好 ^^
學校陸陸續續都派番 D 野番黎, 小慈 D 美勞靚左好多, 睇得出佢非常俾心機整!
呢幅係佳作, 有 95 分, 原先老師話用黎貼堂, 點知小慈唔捨得, 要攞番屋企俾我睇喎
自己畫俾老師既謝師卡, 好靚呀!
小慈畫到班主任個樣好可愛 ^^
仲有呢間梵高的房子, 小慈整左好幾日, 好有心機, 非常靚呀!
張床仔得 5cm 長, 好考功夫整, 運番學校仲考功夫!!
大個女, 睇得出佢好唔捨得班同學, 但又好期待自己去新既中學, 心情好複雜呀!
連牙都甩晒, 仲唔大個咩? 不過仲未發育, 期待中.....
沒有留言:
張貼留言