大清

尋日兩公婆拍左一日拖, 今日係時候陪下我對寶貝仔囡!  6 月雖然時晴時雨, 但平均氣溫已經好高, 我覺得可以去沙灘玩啦!  放半日極速食完午餐出發, 去到大清都已經 2:00 pm, 放心, 我地今日玩到太陽落山先走, 小慈小明既歡呼聲簡直震耳欲聾 ^^

成年冇黎過沙灘喇, 超級興奮, 笑容可掬~~

出門口前仲落左場大雨, 而家一滴都冇, 天父真係好愛小慈小明

防水的 iPhone 7, 不過都係未濕身前影張相先

每次弟弟玩沙, 我就諗起佢 1 歲 4 個月大時踩死蟻個樣  :DDDDDD

實在太好笑, 已經係核心記憶球, 忍唔住同大家分享

click => 弟弟怕沙記

落水了!

極速變落湯雞, 大叫:「媽媽!  泳鏡呀!!  D 海水好咸呀!  醃眼呀!!」

唔識死既小朋友學人挑機

爸爸幫我報仇

游左出去浮台 2 次,  筋疲力盡, 要上岸玩乾沙

兩個傻瓜濕晒身玩沙天使, 諗都諗到佢地個背脊會變成咩樣......

今日係沙灘度見到好多唔同既生物, 逼真的 flamingo, 差 D 以為拍 Running Man

沙灘既兩邊有大量石堆, 蘊藏大量寄居蟹及靚靚貝殼, 小明開心到不得了

藍翅金剛鸚鵡都俾我地預到一隻 ^^

今次去沙灘真係好盡慶!

結婚 14 週年

工作上有大量無形壓力, 就算想放假減下壓都好艱難, 差不多要全公司都冇同事放假而你手頭上又岩岩好無野跟先或者俾你放, 就算老細應承左, 到時又話要睇情形甚至反口要你消假都試過, 真係好無奈.... 等左好耐好耐終於有契機, 可以在自己既結婚週年紀念日休息下喇!  秋秋見我放假都即刻攞假陪我, 好開心 ^^

秋秋話要瞓到自然醒, 我就要送小慈小明返學先, 由幼稚園第一日返學開始已經日日親自送返學, 習慣左都瞓唔晏, 一手拖一個, 說說笑笑, 係我同小慈小明美好既親子時光  ^8^

兩口子, 做咩好?  秋秋話: 「行街、睇戲、食餐好既!」 於是, 我地決定日光白白等餐廳開門食生蠔做午餐, 呢間餐廳想試好耐, 生蠔 $10 隻咋!

於是, 我地叫左 2 打!  太好味, 其實好想再食, 黎多 round 會唔會太過份呢?

我今日突然想食鵝肝, 好邪惡, 所以只係叫左一件

仲有 2 隻手指咁粗既海膽, 晏晝食呢 D 真係好盡慶 ^^

食飽飽跟住去睇戲, 都唔容易, 暑期猛片未上畫,  岩時間又想睇既唯一一套戲得番一間戲院做, 秋秋話照去, 真係幾山長水遠, 不過都睇得好開心!

夜晚返教會上週四學堂, 以神既話語作為我地結婚週年慶典既終結, 非常完滿~~

一開面書, 大大隻字恭賀我結婚週年快樂, 好 sweet~~

多謝大家對我同秋秋既祝福!  14 年, 時間真係過得好快好快!  我眼中既秋秋仲係當年鍾意打籃球飲檸檬茶, 趕時間就搭的士, 同我講金錢買時間非常化算既一位弟兄!  不過我覺得搭的士超貴我係冇乜理睬佢既   :D

我們愛因為神先愛!  一生無缺, 恩典夠用, 基督是我婚姻的主!

慈明爸爸

父親節, 可惜爸爸要返工.  於是, 鬼馬的小慈小明趁爸爸行轉背入房就佈陣, 放禮物係爸爸既必經之路上 -- 廚房 -- 爸爸入去沖茶就一定見到 :D

個泥膠杯小明砌左幾個星期架喇, 小慈唔夠時間整立體咭, 唯有寫下心意, 要爸爸出入平安, 長命百歲!

即刻將個出入平安掛上車 ^^

終於在教會見到爸爸喇~~~  幾忙都要返教會親近神, 支取力量!

食埋飯先走

知道你每天辛勤工作為要給我們最好的生活, 秋, 你個女要你長命百歲, 好好保重, 承佢貴言呀!

父親節快樂!!!

老夫子餐館

之前都聽講過老夫子餐館但一直唔知係邊度, 有一次我地等巴士, 竟然俾小明抬頭見到, 非常近太子地鐵站, 我地今日去幫襯喇~~

冇訂枱, 全日 full book 好誇張, 好在都可以 walk in, 我地 12:00 noon 去食都未需要等位

好靚呀呢度!  1:1 figure 任影

Table for two?  This way please......

非常高的老夫子, 條腿好幼

可愛良善的大番薯

透光玻璃全部都係老夫子漫畫的封面, 好有心思

仲有好多精品售賣

一入餐廳已經見到呢個 「car seat」, 相信要預早訂座先有得坐

好多唔同特色既枱椅

我鍾意呢兩張櫈 ^^

14 人大長枱

小慈好鍾意呢個吊帶老夫子

陳小姐 love seat 都有呀!

非常非常特別既餐牌, 所有料理都用老夫子漫畫入面既題目, 好想叫「耐人尋味」呀 :P

最後叫左個 set, 因為小慈小明要鋸扒

頭盆已經好開心, 留意番, 小明既牛油係塗上麵包面的

唔係鐵板上有少少失望, 不過都好好食

小明至愛凍檸茶, 落完一樽糖漿, 趁我去廁所靜雞雞叫侍應姐姐再俾多樽, 甜到呢.......

想點呀你地

所以話食飯都包括食環境架, 今餐食到好 high ^^

爺爺的父親節

提早同爺爺慶祝父親節, 加上大家都考完試心情輕鬆, 我地決定食餐勁既賀一賀佢, 去旺角帝京酒店花月亭食暴飛, 三爺孫子好耐冇影相了 :D

今晚好多好野食, 火炙蟹籽北海燒波士頓龍蝦我食左 4 邊 :)

好靚呀~

小明最開心係食糖  -____-

望住個場完全唔知食咩, 小慈仲同我講冇野食..... 激氣地食暴飛都要 PG!! 「阿仔阿囡, 片皮鴨好食呀, 排隊啦......」

同爺爺合照

差不多食飽先齊齊坐晒係度, 大合照

我地食早場, 食飽飽離開餐廳都仲係好早, 俾我地見到有好野玩, Fox Movies 擺檔呀!

耳熟能詳既電影

完全唔知點解要扮醜樣......

好得意呀!!  竟然可以扮黑武士同白兵, so cute!!

眼鏡兄弟對決

仲有呢個 360 度動態照片免費試玩, 笑爆嘴 :D

動感的一刻

爺爺怕羞唔肯同我地一齊癲 ^^