功課

而家讀小學真係越來越艱辛, 屋企既裝備一定要好齊全先應付到學校既要求!!

最先要一部彩色噴墨打印機, 一時又要印相, 一時又話要搜集資料要印圖片, 真係冇部 printer 點攪得掂?

跟住而家又興用 QR code 做功課, 如果家長冇智能電話裝 Apps 真係唔知係邊度開黎睇  @.@

弟弟今日仲精彩, 話要上網做功課, 要入一個網址又話要打字仲要貼相, 你話屋企冇電腦點攪呢?  好在, 弟弟冇抄錯網址, 原來係英文老師開既一個臨時網站, 要同學上去做一份 "When I was young" 既功課, 要造句, 要放相, 再要留言.... 真係..... 三年級既同學仔唔會識做囉, 最後都係要家長出手

搵左好耐終於搵到張岩用既相, 弟弟細個真係好得意啊 ^^  I could use a straw to drink when I was one!

其他同學仔都有回應, 不過唔算太多回覆, 真係唔係個個家庭都攪得掂啦!

自從學期初放手, 弟弟都有責任心, 好少欠交欠帶功課執錯書包等, 最好笑有一晚我要 OT 夜返完全唔記得簽手冊, 點知第二日抽籤抽到弟弟要俾班主任 check 手冊, 家長冇簽名係要罰架!  Oh No!  危急智生, 弟弟竟然諗到睇手冊前問功課呢個絕招!!  佢話專登攞份功課出去問老師, 老師掛住講解就唔得閒睇佢手冊,  到打鐘老師要離開班房最終都冇睇  @.@  咁都得?!  想讚佢醒目又覺得唔妥當, 弟弟呀, 你既急智要用在正途上呀, 刻意隱瞞任何事都係危險架....

每逢自己有野叻, 弟弟一定第一時間俾我知仲要我影相 :D  近來教 fractions 佢話好容易, 兩張工作紙全對老師送學業成績獎勵券, 好難攞架!

印畫, 問我見到 D 咩?  我話係一隻動物, 弟弟話我得 50 分, 正確係一隻長頸鹿食緊樹上既果子喎 :DDDDD

弟弟話太靚幅畫, 老師俾左 85 分咁高一定要影低 ^^

呢幅 puzzle 畫都係 85 分 ^^

可愛的小明豬!

香港中央圖書館

好耐冇黎中央圖書館喇, 託小慈家姐既鴻福, 搵均全香港淨係得呢度先有佢要既書做功課, 山長水遠過海黎幫佢借書 -____-

小明話佢完全冇黎過呢個圖書館 !?  冇咩?  點解我印象覺得佢幼稚園時黎過呢?

開工喇!  開工喇!  圖書館大到我要搵櫃檯既哥哥幫手先知道 D 書放邊度

不負所託終於搵曬要既野喇!  俾弟弟見到「玩具」呢兩隻字, 點都要入去玩喎!  我話入面全部都係 BB, 唔低能咩?  唔理, 係都要入去

好在都有 8-12 歲既玩具揀, 呢盒狗狗骨頭棋個樣幾吸引

要擲到同隻狗一樣色既骰仔就可以抽一張咭, 跟住就伸手入袋摸番同咭上面一樣既骨頭出黎

摸岩, 張咭就屬於你既, 越多咭你就贏啦!  幾好玩架!

玩到唔捨得走, 任務完成要返屋企了, 成條街都係木棉花, 隨風飄來飄去好似落雪一樣..... 好靚, 但個鼻好痕  >.<

小明幫 D 木棉花去毛  :D

成地都係木綿樹種子, 唔知佢地有幾多可以落入好土呢?

三舅公

來衝衝去也衝衝既三舅父忽然駕臨香江, 好在係星期六, 捉小慈小明同三舅父飲餐茶先~~

三舅公今次番黎主要係散心同買野, 辦事效率超高既我已經帶舅父去左銀行攪手續, 造左兩套西裝, 買左恤衫, 去埋參茸店買海龍海馬俾婆婆, 冬菇俾姨姨..... 下午已經冇野做, 於是盛意拳拳請舅父黎我地屋企坐下 ^^

今日天氣非常好, 陰陰地又有風, 好舒服

小明主動耍功夫俾三舅公睇 -- 小明棍!!

發現公共貓

仲有大量螳螂蛋及剛孵化的螳螂 BB

小慈的生日水蜜桃食得喇!  細細粒但非常甜又非常多汁, 好好味 ^^

家常便飯~

大力士爸爸!

之後仲有同三舅父去鯉魚門食海鮮

講開我係呢度出世又依稀有 D 印象, 我媽媽話間屋仔 D 老鼠好似貓咁大隻, 又唔怕人, 好怕我 D BB 肉俾佢地咬, 於是放我係浴盆再吊上天花板先敢瞓覺......

豐富的晚餐, 好耐冇食, keep 到水準呀 ^^

返黎 5 日三舅父又走了.......

四眼仔

上次去健康院檢查, 姑娘已經話小明驗眼唔合格, 於是即刻同佢約理大驗眼都要等 3 個星期.  期間都有測試弟弟係咪真係睇唔清楚, 點知佢一時答到一時答唔到, 都俾定心理準備佢要戴眼鏡

望穿秋水終於等到今日驗眼既大日子, 理大真係幾好, 除左驗度數, 仲有檢查埋眼壓、色盲、色弱, 仲有放大瞳孔照埋眼底

有近視啊~~  一隻眼 75 度, 一隻眼 175 度 @@  仲有少少散光同埋少少色弱, 太淺既綠色佢睇唔到

冇計啦, 近視之中最衰就係鴛鴦眼, 弟弟仲要相差 100 度咁多, 唔怪得佢一時睇到一時睇唔到啦, 佢用隻「健康眼」去睇咪睇到囉  v__v  問埋視光師鴛鴦眼成因, 佢話係多數趴係度側埋一邊頭做功課, 托頭做野都會好容易導致, 中!  中晒呀!!

同甘共苦, 小明至愛既北狐狸梗係要同主人一齊戴眼鏡啦 :D

好兄弟!!

希望早發現同埋小心保護, 近視度數唔好加深得咁快啦~

從此以後, 四眼小明!!!

母親節

自從兩個大母親 (我的媽媽與我的奶奶) 都不在世上, 母親節就專屬於我.  不過我素來行事低調, 都冇要求小慈小明母親節要特別做 D 咩, 平時孝順聽話仲緊要啦!  但佢兩個真係好乖, 預先靜雞雞夾計要送禮物俾我 ^^

最好笑係弟弟, 幾日前已經問我：「媽媽, 咪就黎母親節既, 我有野送俾你, 你而家要呢就唔會縐, 母親節個日先要呢就可能會縐縐地冇咁靚, 你想要邊樣呀?」...... 母親節禮物梗係母親節先送俾我啦!  你唔識 keep 好 D 唔好整縐佢既咩?  講左俾我聽咪冇驚喜囉?!  佢話我唔會知佢送咩所以冇所謂

母親節當日一早就嘈醒我, 零距離面貼面咁遞張咭俾我, 你媽媽開始有老花, 太近 focus 唔到睇唔清楚架靚仔!  好乖好乖!  今年有突破真係送張咭俾我, 仲有 3D 立體圖, 一人摺左一朵花俾我, 連爸爸都有份!  弟弟話會縐既就係佢摺個朵玫瑰呀 :D

我問佢:「你唔係送真花俾我咩?」
弟弟反應超快:「我都唔出得街!!」
我:「可以委託爸爸買架麻.....」
都係唔好講咁多, 一陣出年佢真係買就弊 :P

張咭好靚, 媽媽好開心, 乖乖乖 ^^

教會差派呢班小天使送禮物俾我地呢班勞苦功高、為家庭付出左好多心力既媽媽~

弟弟話佢今日「趕頭趕命」!!  整整下咭就要上去禮堂派禮物, 跟住就飛番落黎繼續整口咭, 倒瀉籮蟹喎 :DDDD

小慈整俾我既活動咭

 好多謝你地呀!!

I love my family ^^

班長

恨左 5 年, 終於俾小慈恨到做班長!!!

一二年級班主任, 三四年級班主任, 不約而同要全班成績最好個一位同學先可以做班長, 小慈望門輕嘆, 因為佢四年都同全級考第一個位同學同一班....

又做班長又係領袖生, 仲有基督女少年軍, 風頭真係一時無兩 ^^  班長要負責 D 咩呀?  小慈話要維持轉堂時既秩序, 有需要就要擇名, 黑板個「班長」 list 就係小慈寫既, 以佢善良既個性, 應該都係勸退曳曳同學而唔會擇名啦!  做咁耐領袖生佢都未擇過名, 令我諗起個支善良的槍添 :D

如願以償既感覺真係好開心!  恭喜你呀, 小慈!

急性肌肉發炎

星期日, 小明一起身已經話條頸痛痛地, 同佢捽左幾下

返到教會就越來越痛, 痛到大喊, 痛到發脾氣 @.@

教會既姐姐個個都好擔心佢, 同佢冰敷又加以安慰, 話好少見佢喊心都痛埋.....

完左崇拜 9 秒 9 同佢去教會樓下睇醫生, 個頭又側晒, 行步路都叫我等一陣嗌痛, 等我好似「公公」咁攙扶呢位「太后」!

搵到!  好在都有醫生星期日下午開門, 醫生話弟弟急性肌肉發炎, 要注意姿勢, 唔好垂頭打機、做功課太耐!  急性既意思都係已經累積好耐再突然爆發, 弟弟咁細個應該筋骨柔軟少會受傷既, 所以要注意下啦!  醫生開左止痛藥膏俾佢搽、止痛藥同膠囊裝既消炎藥俾佢食, 食藥, 快 D 好麻 ^^

除左我做公公, 全家都服侍呢位太后啦!  又餵麵, 又摔藥, 尤其係小慈家姐真係超級呵護備至, 跟出跟入照顧週到 -- 「弟弟, 凍唔凍呀?  要唔要飲水?」 「同你攞被被?  北狐狸?」 「 瞓床一陣而家想瞓梳化?」........ 超級適合做護士 ^^

食住藥都痛左兩日, 好在冇影響返學做功課, 弟弟都話冇同學留意到佢側頸 :D

快快好番!!

太空館天象廳

好耐好耐冇去過太空館, 聽聞佢地可以 $24 在港睇冰島極光, 呢個全新節目咁吸引, 梗係引到我地入場啦!   小慈小明一聽到去隻「蛋」度玩就好開心 ^^

就係呢套夢幻極光, 以前試過即場買飛要去到好夜先有位, 今次穩陣 D 一早上網買定飛

上網買飛時發現仲有套「原野非洲」又係好吸引, 小明最鍾意非洲大象實開心屎佢!  片長 42 分鐘抵睇過極光, 時間又 fit, 梗係一次過睇埋啦 :)

入場喇~~

極光的產生, 是由於太陽風粒子與大氣層相撞而成, 極光的顏色取決於大氣層中哪些氣體正被激發, 激發時的不同高度都會令光的顏色有異.  最常見的綠色是因為 100-150 km 氧的含量最高; 洋紅色是 80-100 km 氮分子最多, 藍色和紫色最罕見, 因它們傾向太陽活動強烈時出現, 而且肉眼很難看到

極光就座無虛席, 原野非洲少人好多, 不過都有小學包場黎睇

呢隻小蜥蝪獨特既舞步令全場爆笑!!!

太空館裝修冇得玩住, 只可以去禮品店裝裝下

冇得玩梗係冇咁高興啦, 依~~ 之前科學館兒童天地好似話重新裝修, 就去八一八 ^^  係好靚, 仲用 Miffy 做主題, 可惜星期六實在太多人, 佢地引入左澳門科學館既小小工程師吸引大堆小朋友, 小慈小明已經高得滯冇份玩

好在當年去澳門都有玩過, 而家睇番佢地細個真係好可愛 ^^

仲有好多其他野玩, 唔駛擔心

新聞報導員

搖控車

畢氏定理

聲音與影像

考智力時間, 小慈一 take 就砌到, 好開心

好玩!  好玩!  小朋友仲要免費入場, 考完試再黎玩過~