香港中央圖書館

好耐冇黎中央圖書館喇, 託小慈家姐既鴻福, 搵均全香港淨係得呢度先有佢要既書做功課, 山長水遠過海黎幫佢借書 -____-

小明話佢完全冇黎過呢個圖書館 !?  冇咩?  點解我印象覺得佢幼稚園時黎過呢?

開工喇!  開工喇!  圖書館大到我要搵櫃檯既哥哥幫手先知道 D 書放邊度

不負所託終於搵曬要既野喇!  俾弟弟見到「玩具」呢兩隻字, 點都要入去玩喎!  我話入面全部都係 BB, 唔低能咩?  唔理, 係都要入去

好在都有 8-12 歲既玩具揀, 呢盒狗狗骨頭棋個樣幾吸引

要擲到同隻狗一樣色既骰仔就可以抽一張咭, 跟住就伸手入袋摸番同咭上面一樣既骨頭出黎

摸岩, 張咭就屬於你既, 越多咭你就贏啦!  幾好玩架!

玩到唔捨得走, 任務完成要返屋企了, 成條街都係木棉花, 隨風飄來飄去好似落雪一樣..... 好靚, 但個鼻好痕  >.<

小明幫 D 木棉花去毛  :D

成地都係木綿樹種子, 唔知佢地有幾多可以落入好土呢?