新年 - 開心又燦爛之時

今年新年感覺好長, 踏正初一在星期六, 計埋補假連放四日!  新年加埋搬新屋呢個誘因, 日日都約朋友仔上黎玩/出街玩, 日子過得超級充實呀 :D

大年初一

竟然落雨!  不過都無損我地去四姑婆屋企拜年既雅慶, 我地今次更加身負重任要幫埋旅行中既爺爺同姑媽派利是添~

小慈小明恭祝大家雞年身體健康!  一團和氣!  平安快樂!!

郭氏家族每年一張大合照

去姑婆屋企真係好開心, 表哥養左超多小動物, 條超得意既變色龍叫「監躉」, 俾隻手指佢扶住就不停向上爬, 爬岩個位仲會停低係度瞓覺, 超爆笑呀!!  弟弟仲同監躉既食物「蟋蟀」做左朋友, 成隻手伸入去佢地個箱入面捉佢地黎玩, 表哥仲送左幾隻俾弟弟帶番屋企養 :D  仲有大龜今日冇出街散步, 弟弟一抱起佢大家就大叫.....

表叔見我地一家咁孤苦寧丁又話要出街食飯, 就留我地係佢屋企開餐, 又有翅又有鮑魚, 好正呀!

大年初二

一班好耐冇見既好兄弟, 因著一部遊戲機, 一呼百應, 大年初二齊齊上黎打機拜年, 打足幾個鐘, 讀書時既回憶返晒黎呀!!

幾經辛苦先可以係爸爸s 手上搶到機打 :D

大年初三

終於見到我好掛住既契女喇~~  小慈小明梗係急不及待介紹 Bomber Man 俾琳琳姐姐玩, 玩到打爆機咁滯呢 ^^

琳琳帶左盒遊戲黎教我地玩, 呢個車票之旅又真係幾好玩, 係 D 地方名難記 D, 連秋秋都考起

大年初四

提摩太團飲茶團拜, 我地去左添叔叔屋企

當年 VS 今日

跟住我地踏去倪會佐、頌恩姨姨新居

晏晝飲茶一早已經消化晒, 黎呢度就係食超美味糕點既時候喇!!!

仲有得去會所打乒乓波玩健身單車添, 玩到唔捨得走

夜晚有舅父同彤彤姐姐上黎食飯

辛苦晒肚瀉既秋秋為我地預備超級豐富既菜餚, 薑蔥炒蟹真係好好味!!!

呢部機迎賓左幾日, 原來最岩玩係我細佬, 咩 game 都話好玩, 打到凌晨 2:30 都唔想走.... 哈哈哈哈哈

我好鍾意呢張圖片, 我真係做得到呀!!!

大年初五

我攞埋今日假同班死黨食 semi lunch buffet 慶祝 Brenda 生日, 今日都係瞓到自然醒, 如果唔係尋晚攪到凌晨 3:00 真係頂唔順

估唔到 Brenda 既生日願望係探晒我地屋企咁多小朋友, 於是先去我屋企探小慈小明, 再去 Cherrie 屋企探 River Sandy, 最後去姿姿屋企, 小朋友年紀由最大既小慈到最細既心言, 第一年親手派利是俾佢地呀 ^^

好完滿既新年, 聽日返工了!