我們的情人節

我唔係太鍾意花, 因為燦爛過後好快枯萎, 好唔抵!  但自從有左天台之後, 覺得種番 D 盆栽睇佢地快高長大都唔錯 :)

今日經過花園街, 春天到, 百花開, 真係忍唔住買左幾盆返屋企 ^^

我負責買, 秋秋負責加泥、監察, 小慈負責淋水, 弟弟負責「聞」同埋捉蟲

之前係西貢戶外訓練營買左好多種子, 終於等到春天可以落泥, 希望佢地快 D 發芽啦!

小慈係街邊執既蒲公英種子就真係發左芽, 好開心

我仲買左盆士多啤梨, 明明買個時粒士多啤梨仲係青色, 一日已經紅左, 一個星期就已經熟透~~

超級香

怕俾雀仔偷食, 兩姐弟決定自己食左佢 :D

面書 look back, 5 年前的情人節老公黎搵我食晏仔, 睇番都覺得自己個樣好後生 ^v^  5年後既今日, 老公整左碟情人節炒蟹過我食, 超正!!

Look back 的情人節都係老公煮好野食, 所以點能夠怪我肥左  >__<

呢幅圖唔知真定假, 不過真係好好笑!

情人節當然唔出街逼啦!  留係屋企同大小情人過節, 今晚小明飲自己整既鮮青瓜汁, 飲飲下係度 bluuuuuuuuu bubbles

我即刻諗起之前收過既 whatsApp pictures, 小明中晒......

情人節咁開心既日子, 我地令蟋蟀仔都開心下, 同佢地換左間 5 星級大屋

開心就係與相愛的人在一起 ^^