閱讀

學校非常鼓勵小朋友閱讀, 設有圖書堂、早上閱讀時間、圖書館長時間開放, 小息午息放學都可以去借書, 又有閱讀獎勵計劃等等, 營造一股濃厚既閱讀風氣

今朝等緊校車時, 小慈突然坐低攞本圖書出黎睇!  弟弟當然唔執輸走埋去, 仲睇到鞋都除埋 @.@   三年喇, 由小一開始咁多年小慈都未試過自發性坐低睇書, 就算睇都要我陪, 次次要我讀俾佢聽, 我話你識左好多字唔駛媽媽讀架喇喎!  佢就梗係答你讀得好聽 D 麻咁!  今次問佢做咩事咁分秒必爭, 返到學校先睇唔得?

小慈答：「本書好好睇, 我睇左一半好心急想知個結局呀!」

媽媽我聽到真係好感動, 小慈終於感受到自讀既樂趣喇~~~

咩書咁吸引?  唔睇由自可, 一睇差 D 令我流下感動的淚!  小慈終於肯借兒童小說喇!!  以往佢只會借 D 圖畫有咁大得咁大, D 字有咁少得咁少既故事書, 圖畫畫得靚, 色彩豐富佢就借, 一唔係就借晒 D 恐龍書返黎俾弟弟睇, 自己唔睇.  今次呢本老鼠記者都有圖畫, 但文字既比例多好多 ^^  好感動

小慈係一個好慢既小朋友, 不單止食野慢, 動作慢, 連佢既成長都慢過人!!  人係群居既動物, 大家都有小朋友, 唔多唔少都會比較, 人地一年班 (甚或更早) 已經自己睇書, 老鼠記者已經熟到爛, 小慈而家先發現呢本書好好睇, 而家先睇字...... 每個小朋友成長既腳步都好唔同, 你呢方面叻 D, 另一方面弱 D, 所謂既開竅真係唔知幾時, 我唯有可以做既就係等!  等小慈粒種子發芽, 等佢進步, 等佢肯著緊自己既野, 有鬥心, 自發去為自己好

呢兩篇文章好耐之前都有睇過, 現在重溫都有另一番感受

每個小朋友既花期都唔同, 連做父母既都唔欣賞自己既子女, 佢仲邊度有動力去進步? 次次都俾你鬧, 做咩都唔夠人好, 佢會放棄.  相信仔女一定會開花結果, 我既小慈一定都會!

最後獻上羅乃萱師母對閱讀既分享, 共勉之~~

閱讀

心中遇上難題，到圖書館找一本書吧，或到書局買一本書吧。
一本好書，就是一位默默無語卻充滿智慧等待我們發掘的老師。
閱讀，就是心靈與另一個心靈相遇交流的美妙時刻。
多少個想不通的難題，透過閱讀，讓我們豁然明悟。
多少種理不出頭緒的煩憂，透過閱讀，讓我們在凌亂中驟見次序。
多少個無以名狀的人際難題，透過閱讀，讓我們懂得慎思明辨，得到忠告。
閱讀，讓我們能看見前人走過的路，留下的亮光。
閱讀，讓我們明白自己所遭遇的，作者也遭遇過，且能從困苦鬱結中走出來。
閱讀，讓我們碰觸那些精煉過的人生智慧，前人思考過的人生難題，還有對未來的種種揣測預計，讓我們明白過去，理解現在，展望未來。
閱讀，讓我們躁動的心靈得以安歇，乾渴的心得以滋潤，遲鈍的腦袋得以甦醒，是每天最好的心靈運動啊！