母親節

今年母親節, 我又同弟弟一齊獻詩, 我覺得特別有意義 ^^

除左最大既二年班, 一年班既小明都係大哥哥, 企最高層

獻唱 「頌親恩」

歌詞好有意思

小明兒童詩班獻詩, 小朋友既歌聲真係好好聽, 去片~~ 頌親恩 

辛苦晒詩班既姐姐們為兒童詩班 33 位小朋友逐個影相同埋訪問!!  好勁呀你地!!

估唔到弟弟多謝我既說話, 係話我成日都係佢身邊 ^^

我的母親節禮物s  :)

愛錫自己就係俾家人最好既禮物!!  媽媽會努力踩單車操 fit 自己架喇 ^^

愛是無價 ^^

一篇有趣既文章 「媽媽是甚麼」 睇到我眼濕濕

多謝天父俾我有機會成為母親, 係一個好大既福份!  作為一個 9 年既母親, 我學識既野有好多好多, BB 時學照顧, 而家要學以身作則、言行一致、一諾千金

小慈教識我要有溫柔耐性去教導佢, 好似拖住隻蝸牛去散步既故事一樣, 對住佢真係要有無比既忍耐, 絕對克制我急衝風既性格, 學習盡力就好, 慢慢去欣賞小慈的美、與別不同的地方

小明教識我點同自己相處, 佢就係我既一面鏡, 佢既精靈同我細個一模一樣, 甚至有過之而無不及, 持住有小聰明走精面, 真係好難教, 對住佢我祈禱都祈多左, 絕對需要天父賜智慧先識對付佢

網絡文章 台灣作者 張文亮

箴言 (13:24)  不用杖打兒子的、是恨惡他. 疼愛兒子的、隨時管教。
箴言 (22:06)  教養孩童、使他走當行的道、就是到老他也不偏離。

不打不駡其實好難教, 不打都叫做忍到手, 不駡而教, 我都仲學習緊

媽媽們, 一齊加油!!