嘻~ 今日係我既牛一, 願望係好簡單亦都係最重要既生活愉快, 身體健康!
我係一個好鍾意出街玩既人, 生日大晒, 老公話我想邊就去邊 ^^ 諗過去好多地方, 終於俾「生日免費、同行半價」呢幾個字吸引左去山頂, 既然過得海就梗係玩盡佢, 去埋岩岩開始既花卉展覽先! N 咁多年冇黎過花展, 已經先進到可以用八達通買飛入場
去維園, 梗係第一時間介紹維多利亞女皇俾小慈小明認識, 唔好再話佢係黑色一舊野喇
好多花呀!
弟弟最鍾意豬籠草
行行下有個水池仲有魚?!
原來個水池係用再造水, 呢個 waste water treatment 好岩小慈, 岩岩測完驗所以好明白
宣揚環保, 房屋署鼓勵大家減廢, 俾蜜蜂有個舒適既環境 >v<
好得意既花花 Flamingo
孔雀開屏
呢隻白孔雀個頭識郁架
我媽媽好鍾意花, 差不多年年都要陪我媽去花展, 佢過身以後已經再冇黎過. N 年後既而家係我帶我個女黎花展, 是承傳嗎? 不過好明顯小慈同我一樣對花卉不太興奮, 只限於「好多花喎, 都幾靚丫」見識過咁啦 >.<
對動物造型既花興趣大 D
不得不讚下自己, 其實今日花展係超級多人, 影到好似身邊冇人咁絕對係眼明手快既表現
我最鍾意呢幅, 小慈幾靚女~ 聽媽媽話又乖! 好抵錫 ^8^
周圍都見到 Chocolate Rain 我估係大會既吉祥物
今年馬會 130 年都包辦一個 counter 宣傳下
JC = Joanne Chow?? 我隻馬呀!! 老公一盤冷水 Jockey Club 呀..... 車! 我梗係知啦, Jesus Christ 添呀 >x<
就算只係見到海洋公園個牌都會雙眼發青光
海洋公園新景點
樹熊仔同埋袋鼠仔, 我地會好快黎探你架喇!
轉個頭我地已經上左山頂 :)
小慈小明已經唔記得左纜車係咩野
未上車先興奮! 呢張相兩個笑得好開心! I like this ^^
黎喇! 黎喇!!
當玩過山車咁開心
勁有諗頭, 一落車必經呢個山頂市集, 務求大家望下望下就會買野
終於肯整手蠟喇佢地! 要夠勇敢放隻手入熱蠟到, 以前問佢地都唔制, 今次 OK 好叻叻呀! 小慈同小明一齊拖住整左對祈禱手, 我覺得好有意思呢 ^^
此行目的 -- 去山頂杜莎 (not 杜麗莎) 夫人蠟像館!! 呢個生日優惠真係好抵, 生日免費, 同行者半價! 平時一家四口要 $860 入場, 而家只需要 $305, 開心好多 :)
李小龍呀!!!!
香港首富李嘉誠歡迎你
有 10 個 session 睇, 好似好正咁
呢位就係杜莎夫人
做每一個蠟像都手續繁複, 真係好厲害
Yeah! 終於摸到華仔個心口喇!
我要好似郎朗彈琴咁開心
兩位郭生
Johnny Depp 小明唔識佢, 但學佢插袋嘟嘴好好笑
Mr and Mrs Smith :)
Oh!!! My Edward Collen!!
個個渣住個兜, 踎係街邊乞米, 等下就有...... Your highness
Diana 你真係好靚啊~~ I miss you!
去左白宮同奧巴馬開會
偉大的愛因斯坦
莎士比亞
靚女
孤單的張國榮, 個樣唔係好似
曾志偉造得超逼真!! 我估有真人照住做係似好多
弟弟去左電視台打工
幫吳君如錄影節目
甜蜜蜜~~ 你笑得甜蜜蜜~~
一齊唱 K, 越唱越強
學武術既人一定要識葉問師傅, 小明開始有功架
長洲! 你孕育左珊 san!
同姚明打番場波
真係高得好交關
David Beckham, 同我一樣有個碧字 >v<
C 朗
終於黎到最岩小朋友既部分! 真係估唔到會係呢度見到虛構既電影及卡通片人物
唔覺意影到狂笑中既小慈, 笑死我喇~~~
我個名叫麥兜兜, 我呀媽叫麥太太
叮噹呀! 誰都喜歡你!
呢對鞋原來唔係人人受, 爸爸你矮左呀!
孫悟空! 饒命呀!!
嘩! 呢個 look 好襯小慈呀!
睇完孫悟空大鬧天宮, 所以熟晒 D 人物
咁耐先上一次山頂, 梗係周圍行下啦
指定影點
山頂真係好多狗狗, 小明唔怕羞走去問人地主人可唔可以摸佢隻狗
Happy Birthday to Me ^^
