APM

嫲嫲入左醫院, 由性命垂危連醫生都話過唔到今晚, 臨時臨急請牧師到醫院為嫲嫲洗禮, 叫晒所有親戚黎見最後一面.......  神蹟就係呢個時候發生!!  嫲嫲血壓漸漸穩定, 更可停嗎啡針及飲湯,  冇可能會發生既事, 天父施恩典憐憫讓嫲嫲仍然存留在世上, 除了感恩, 只有感恩!!  天父從不輕看我地每一滴既眼淚, 佢聽我地每一個既祈禱, 要對神有信心, 佢既安排往往多新意, 有豐賞亦有收取, one thing for sure, He never fail us !!!

今晚探完嫲嫲就去最近既地方食飯, 好耐冇去過 APM 了~

飯後食雪糕梗係開心啦!  呢款雪糕最能夠考驗小朋友既定力, 控唔控制到自己羅少少就夠?

新出左桃味 yogurt, 岩晒小慈

真係估唔到呢度竟然有 Paul Lafayet

我最鍾意就係食呢隻 Creme Brulee 即係焦糖燉蛋, 好味  :P

第一次係的士上面打機, 開心到兩姐弟不得了 ^^

避開鱷魚同埋羅急救箱, 當然冇 iPad 反應咁快咁暢順啦, 不過都好好玩

繼續祈求神醫治嫲嫲, 讓從天父而來既平安常與嫲嫲同在, 喜樂的心乃是良藥!

嫲嫲, 加油!