第一次黎到沙田區非常有名既呂明才小學, 間學校真係好大, 有游泳池有遊戲設施, 禮堂要上 4 樓
呢班小朋友全部都係孤兒, Watoto 關懷兒童事工是一項提供整全照顧的計劃, 有醫療有教育更有靈性栽培, 旨在回應非洲無數孤兒和婦女的呼聲, 拯救他們脫離困境, 培育他們成為不同領袖, 助人自助
Watoto 兒童合唱團由 1994 年起就到世界各地演出, 將現代福音結合傳統非洲音樂, 用歌聲表彰神改變佢地生命的那份大愛
非洲鼓
我今晚學左一句非洲話 "Afaayo" 意思係 Jesus Cares
唔記得問小朋友叫咩名, 應該同小慈差不多大. 弟弟話小朋友好鍾意佢件恐龍衫 ^^ 小慈好鍾意佢地, 猛話佢地好叻, 唱歌好好聽, 連普通話都識唱, 好勁!
耶穌喜愛世上小孩, 世上所有的小孩, 無論紅黃黑白棕都是耶穌心寶貝, 耶穌喜愛世上所有的小孩
有時候, 唔係一定要見到比我地不幸既人先知道自己幸福, 不過對小朋友黎講, 親眼見親耳聽到, 感受會來得更深更真, 不會忘記! 唔係個個小朋友都會有爸爸媽媽陪伴成長, 有食物並唔係必然, 呢一班非洲小朋友以前係捱住肚餓咁瞓覺, 連買野食都冇方法, 何來有錢去返學讀書? 所以, 當小慈小明嗌飽, D 野食唔晒, 抱怨好多功課做, 要溫測驗默書冇時間玩既時候, 請你地記住呢一張又一張既非洲面孔!
在非洲傳福音一 D 都唔容易, 為 Watoto 感恩, 願神繼續賜福你地既工作, 興起更多有心既人去幫助, 服待有需要既人, 世界一定會更美好~
沒有留言:
張貼留言