今次家長會同小慈當年好唔同, 竟然有 40 分鐘班主任時間, 聽老師講不如自己親眼見, 家長坐入班房扮小朋友, 感受佢上堂既情形, 突擊檢查下佢張書枱, 手冊應該係枱面, 文具功課袋係櫃筒, 派左既功課應在功課袋裡面, 未上堂既書係櫃筒, 上完堂既書入書包, 書包鈎好, 外套 (如有) 放椅背...... 依! 弟弟全部做岩晒喎!
即場打開佢本手冊對照黑板, 又抄岩晒喎~
弟弟坐課室中間前排既位置, 岩岩好望到老師, 想唔乖都幾難, 不過佢都夠膽死將成張英文 Notes 入面既 O 全部填晒黑色, 仲一日兩次跪係張櫈度俾老師警告 @.@
班主任非常之好, 整左個 Teachers' Tree, 俾家長認識邊個老師教咩科, 大家有咩唔明就問番負責既老師, 唔駛咩都搵班主任
班主任時間完結, 小朋友番黎喇! 見到成班家長 (全班只係兩位家長冇黎咋!) 坐晒係度, 個個笑逐顏開
我地勁讚弟弟個位好乾淨整齊, 佢梗係好開心啦 ^^
記得自己漏左一份功課未寫都即刻寫番
話俾我地聽佢今日做值日生, 要幫手擦黑板
呢張係佢既大作
學習目標是也
最愛既聖經金句
失物櫃~ 之前佢唔見左舊擦膠都係度搵番, 呢度亦都可以借玩具小息時玩架
放小息, 小慈家姐黎搵弟弟呀! 見到我地更加驚喜
小慈差不多個個小息都搵弟弟架, 好乖, 好稱職, 好錫弟弟既小慈家姐 ^3^
好熱鬧既班房
弟弟每晚最開心就係自己執自己個食物盒, 揀晒自己鍾意食既野入去
連薯條都放埋入去, 只要數量唔多同埋唔係日日既話, 我都唔會阻止
開心既時間過得特別快, 小息打鐘, 小朋友要上堂了
前面呢幾個就係弟弟第 4 組既組員
坐隔離行既信盈係我地既鄰居黎架 :)
依依不捨, 爸爸媽媽要走了, 我地同弟弟講話會接佢放學, 佢就好爽咁同我地講: "一陣見~" 好乖! 放學時弟弟話我聽有一個同學仔一拜拜媽媽就喊, 仲係喊到放學, 好慘......
今日真係好開心, 好欣慰弟弟適應得好好, 成日笑咪咪, 好鍾意講學校既野, 鍾意返學, 我相信小慈家姐居功不少!!
繼續努力加油呀, 弟弟!!
沒有留言:
張貼留言