小明人生第一個冠軍

參加小童軍復活蛋填色比賽, 小明贏得冠軍, 今晚就係頒獎既大日子

好隆重呀, 頒獎典禮在酒店宴會廳舉行

小明認真簽到

今晚除左係頒獎典禮, 更加係沙田東區童軍區務委員會就職典禮

就係呢位譚區總監當日親自送信通知小明中獎, 好高興認識你呀!

呢度其中一個獎盃就係小明架喇 ^^

會場好闊落好靚

小明搵到場刊入面有自己個名

除左我地之外, 成枱都係王錦輝學校既哥哥姐姐, 佢地非常支持童軍活動

請到葉劉淑儀議員做主禮嘉賓, 佢講左幾句開場白就走左

童軍樂隊表演 5 首經典金曲

職員大曬冷

得獎既小朋友準備上台

好大座獎盃呀!!

小明人生第一個冠軍, 感謝天父!!!

左起: 季軍姐姐一年級, K3 小明冠軍, 亞軍姐姐二年級
但小朋友既著眼點係, 冠軍顏色筆 48 支, 亞軍 36 支, 季軍 24 支, 而唔理個獎盃有幾大, 哈哈哈哈~

阿媽, 我得左喇!!!!

好開心, 咩自信都返晒黎既小明!  要繼續努力呀!

驚喜陸續有來, 我地仲抽中獎!  又係譚區總監頒獎俾我地添!  真有緣份 ^^

迷你營火爐具一套

收獲豐富, 滿載而歸, 開心開心!!!  非常感恩天父俾弟弟有呢個得獎經驗, 開佢既眼界, 已經話要繼續參加小童軍, 要好似 d 哥哥姐姐咁身上面好多章喎!