多謝各位老友記支持, 小慈小明學校既慈善籌款今日係山頂起步喇!! 8:20am 就要返學校集合, 兩姐弟都好興奮呢!
爭取時間參觀小慈課室
上次學校旅行同班主任郭老師 & 陳老師影既相掛左上牆, sweet :)
小慈好開心帶我巡視晒班房每個角落
本月主題 -- 動物
小慈既大作
一班小朋友決定係學校開寵物店, 小慈已經帶左屋企隻龜公仔放係學校既娃娃角
自然角放左一缸金魚要小朋友共同飼養
希望金魚健康成長
呢個就係非常疼錫小明既馬老師
玉姐 and 廚師霞姐, 一見到小明即刻左擁右抱一人咀一啖 ^8^
人齊出發~ 搭 1 個鐘頭旅遊巴, 轉左好多個驚險急彎終於上到山頂!!! 今日天氣出奇地好, 初時好擔心山頂潮濕有霧伸手不見五指, 而家 17 度仲有太陽, 簡直係為班小朋友度身訂造!! 多謝天父! 感恩 ^^
6 間學校總共有 400 人參加今日既步行籌款, 出錢又出力既我地起步喇~~
10:30am, 搭咁耐車小明未回氣又有扭眼瞓跡象, 衰 B
預左小明行行下會扭抱, 一定要帶埋 hip-seat 出動
執下樹葉, 玩下樹枝, 我地行包尾喇....
嘩! 咁大塊芭蕉葉?!
沿路見到好多得意既狗狗令小明提起精神
呢隻古老牧羊犬同弟弟一樣高
終於見到小明既同學仔 -- 吳綺澄, 陳芷萱, 徐曉朗
暫代班主任郭老師產假既周主任
山頂風景優美, 真係好舒服呀!
1 小時 15 分鐘, 不負聚望, 我地完成創舉!!!
多謝大家慷慨解囊. 共襄盛舉, 福有油雞! 多謝, 多謝, 多謝! 願主祝福你地!
出得太多力, 即刻食飯醫肚先
自由活動時間!!
上一次黎山頂凌宵閣小明仲未出世, 感覺面目全非! 唔夠時間搭攬車, 呢架以假亂真
好攪笑既佈景板, 不過呢度好大風不宜久留
估唔到而家上凌宵塔要收錢!!! 放棄~~
三位小朋友玩電動甲虫玩到不亦樂乎, $100 / 1 隻太貴, 玩過就算!
周圍都見到狗狗兩姐弟實在太開心
係狗都埋去摸一輪, 小明既大膽程度真係令人咋舌!!
狗狗, 要唔要聞樹葉呀? 好香架!
山頂絕對係遊客區, 連支水都可以貴過人
好在公園係免費既
玩到開始除衫
媽媽推我!
小明電眼出動!!
澄澄真係好鍾意小慈
你咁叻女唔駛扶都行到平衡木啦
可愛~
玩到出晒汗食杯雪糕降溫
話咁快就由香港返回新界, 小明一上車就熟睡, 小慈太興奮瞓唔著!
兩姐弟一齊返同一間學校真係開心好多! 一同成長, 有共同回憶及經歷特別難忘~
