團契

之前因為小慈小明細個, 要 3:00 pm 開始團契一直留左教會至詩班 6:00 pm 完, 3 個鐘頭咁長又撞岩瞓晏覺時間, 所以冇硬性規定佢地返, 但唔知點解, 無返開就唔肯返團契 @.@

趁小慈升中一, 應該要有好既朋輩共渡青春期, 於是重提返團契一事, 點知小慈竟然答我佢已經有提摩太團......?!  傻瓜, 提摩太團係爸爸媽媽架!  小朋友係大人團契時圍埋打機唔係團契羅, 小朋友要返既團契有分年齡, 小慈應該返中一至中四既撒母耳團, 小明小四至小六要返約瑟團啦!  既然升中, 就要返團契, 小慈返左團契小明都冇無所事事, 就一齊返吧!

兩個既好處, 有伴一齊搭巴士返教會, 唔駛媽媽再做跟得夫人了 :D

小慈的撒母耳團

弟弟的約瑟團

咁快影晒相, 幾有歸屬感

J F..... Joseph Fellowship?

一返團契就係遊戲周, 梗係開心啦!

弟弟個樣好小心喎

氣宇軒昂 :D

希望升中同升小五唔會太忙返唔到團契啦!

輕輕鬆鬆放暑假

放暑假, 梗係要做 D 平常冇機會做既野啦, 例如, 入場睇電影 ^^

睇戲真係好貴, 就算睇早場, 價錢已經等如買一隻 DVD, 不過超人特工隊係我期待左好耐既電影, 真係好好睇呀!!!

好耐冇入過戲院, 小慈小明勁興奮

爆谷既定價真係好特別, 超大桶只係貴過大桶 $2, 你.... 識點揀 :D

新口味朱古力真係食到停唔到口

每個星期六小慈家姐跳舞之際, 就係弟弟同媽媽撐枱腳之時, 小慈羨慕到不得了架!

小慈家姐跳舞次次都兩個鐘, 早餐都食唔到咁耐於是周圍行街

商場入面有攝影展, 梗係欣賞下啦

全家得我同小慈食榴槤, 呢股旋風無理由唔幫襯

一係唔食, 一食就梗係要終極特濃版 ^^

超好味!!

仲要襯放假去換新裝, 弟弟頭髮長得好快, 剷高 D 啦, 唔該! 

仲有買新書包

今年又大個左, 唔鍾意轆轆書包了

我既傻瓜仔

不甘後人既傻瓜小慈家姐, 近期熱愛珍珠奶茶

Maro 廣告的後遺症......

佢係一個好開心既小朋友

農夫小明每日都會幫手上天台淋花, 今日上天台灑水的時候, 玩到出彩虹!!

結果當然係成身濕晒啦 :D

出得街多就會撞到朋友!  Hello River & Sandy ^^

仲有一齊同冬晴 & 柏苗玩跳繩!

暑假多歡樂 ^^

滿月酒

在我印象之中真係冇試過飲滿月酒, 通常都係上朋友屋企探 BB!  今日真係好榮幸可以出席郭氏家族既喜宴呀!

呢位係 BB 爸爸, 佢其實係秋秋既表弟, 佢唔係姓郭, 但又係郭氏家族一份子, 因為四姑媽即係爺爺個家姐, 係姓郭既, 關係係咁複雜架喇 :DDD

原來你叫承希 BB, 小施先生 ^^

BB Hello ~~~

BB 件衫仔真係勁得意呀!

終於等到佢開眼, 好似媽媽呀你 :)

滿月酒原來要食紅雞蛋架!  而家進步左, 以前隻雞蛋真係染成紅色食到成手都係, 而家舖張紅色玻璃紙, 意頭意頭一下就 ok

呢隻乳豬仔好好食

咩喜慶場合食壽包都係 OK 既, 好味!

左手邊呢位醒目仔叫郭培證, 係爺爺二哥個孫, 即係秋秋另一個堂細佬既仔仔, 一直在深圳讀書, 但今年竟然會在香港升中學!

三個都係狗仔, 一齊做中學生 ^^ 

呀!  承希 BB 都係狗仔黎架!

食完餐飯先開始熟稔

承希, 祝你 1 個月大快樂!!  快高長大!  食得瞓得!!

Summer!!

媽媽放幾日大假陪小慈放榜註冊, 所有野都塵埃落定仲唔係玩既時候?!!  同小慈慶祝, 淨係飲餐茶梗係唔夠啦, 於是俾寶貝囡話事, 佢要去跳彈床呀!

太鍾意呢個地方!  咁又係呀, 佢地呢 D 中童唔通仲去公園玩咩?  Club House 又太 BB, 連 Superpark 都嫌悶只係肯去愉景灣同海洋公園... 咁遠, 過海去北角算啦 :P

上次兩個鐘小慈跳到肚痛, 今次穩陣 D 跳 1.5 hour

等入場之際, 職員姐姐問我地知唔知新開左一層?  唔知喎!!  即刻落去視察環境

好紅呀呢度!  非常唔一樣既設計, 連遊戲都唔一樣呢!  正呀!!

佢地已經睇中左身後呢個遊戲, 仲幫佢改埋名叫「攻城鎚」

姐弟對決

Running Man 都有呢 D 遊戲呀

弟弟真係好水皮, 竟然跳唔過呢支矮棒.....

飛天繩索

仲可以玩掉海棉

起角的海棉, 好新呀!

大彈床

玩左 45 分鐘, 小慈覺得自己要跳彈床, 於是上番 3 樓玩, 弟弟唔想走架, 佢鍾意新野多 D

都要跳下既, 學左跳繩又有籃球班, 小明明顯地彈跳力好左, 唔會再跳跳下跌喇 :D

創舉!  小慈終於跳到掂到頂喇!!!  狂喜!!!

多左一層, 1.5 個 hour 唔夠玩大叫唔夠皮!  岩架喇, 梗係差 D D 好想繼玩唔夠唔夠咁先最好玩最開心麻!  一離開幢大廈兩個即刻嗌肚餓 :DDDD  呢個彈床對佢地似乎唔錯, 跳下又會高, 玩完又會食, 可能仲會肥添 ^^

玩到日落西山先返屋企

盡慶呀 :)