吹蠟燭

今日有個有心人記得小慈聽日生日, 於是買左幾個蛋糕仔上黎預早幫小慈慶祝, 順道探埋弟弟

無端端有得吹蠟燭, 小慈好驚喜~~~

小明就唔知發生咩事, 但聽到我地唱生日歌就腳撐撐咁好興奮

無我既事, 食手好過

好多人同你慶祝生日呀, 乖女 ^8^

小慈舊曆 3 歲生日

好得意呀, 今年小慈既舊曆生日竟然會早過新曆出現, 感覺好攪笑!  可惜天公不造美天陰陰仲要落大雨, 不過無損小慈既雅慶, 有得羅住把傘就好 high, 可能佢會鍾意落雨多 d 因為有得玩水

帶佢去 Mega Box 上音樂班, 見到 d 咩公仔得意都會叫我同佢影相

心情好靚

音樂班 Miss May 今堂教小朋友用絲帶當拉 Violin, 下一堂就會帶一個真既 Violin 俾佢地試下拉, 小慈 fing 到好興奮

上完堂去爺爺嫲嫲屋企食飯, 姑媽買左個生日蛋糕, 又買禮物幫小慈開農曆生日會

嫲嫲送上大利是一封, 叮囑小慈要食多 d 野, 快高長大~~

最鍾意戴生日帽切蛋糕, 生日快樂呀, 乖女

弟弟有得睇冇得食, 扭計喊喊呀

唔駛喊, 小慈家姐錫番, 你大個 d 就有蛋糕食架勒

自己渣奶樽食手指

叻叻呀弟弟!  工人姐姐話弟弟識自己渣奶樽飲奶, 於是即刻影佢相

而家冇左人奶幫補, 一罐森永細仔只係夠佢飲 11 日, 小慈罐森永大仔就可以飲 2 星期, 所以我一趁奶粉平就會幾箱幾箱咁入定係屋企俾佢兩姐弟慢慢飲

弟弟仲近來學識左食手, 知道成個拳頭咁食係非常唔方便既, 於是只係食 2 隻手指就夠, 你睇!  食得幾有型

不過食手既副作用就係一篤口水咁流出黎, 真係濕到口水肩連底衫都透, 呢幾日濕濕熱熱, 開冷氣俾弟弟訓就可以訓天光, 何其識嘆~~

著件靚衫準備出街

弟弟而家坐得定左

小慈整古做怪弟弟又唔識望鏡頭, 好難影合照啊 @.@

唱歌引佢地

終於影到張似樣既

弟弟 4 個半月大轉中碼片坐學行車

今日有個好心既同事專登山長水遠羅左架學行車返公司送俾小明!  本來我好抗拒學行車架, 但同事盛情難卻咁又唔好意思推佢話唔要, 就俾弟弟試坐下啦!  我估坐既時間唔太耐唔會變 O 腳掛?!

係唔係好威風凜凜呢?  弟弟似乎都坐得幾開心

不過佢對腳仲未掂到地下, 暫時唔怕佢行壞腳

唔坐搖椅時都可以用呢張野頂一陣

唔食得架!!

反而最開心個個係小慈

佢細個冇坐過, 所以好有新鮮感

弟弟今日著呢條工人褲好有型呀!

不過著紅色衫就真係好女仔

肥仔要著中碼片片了~~

白滑豬仔出浴照

今日係復活節長假既最後一日, 弟弟已經冇厭奶喇, 仲成日都笑口常開真係睇見都開心, 留係屋企休息下同兩姐弟影下生活照 ^^  你睇隻肥豬仔幾好肉地, 好想咬佢呀!

學識左伸脷, 呢 2 日仲成日自己摸住自己個後尾枕笑

爸爸話呢件衫已經著到佢成個女咁仲要做出呢個楚楚可憐既表情, 想點先?!

騎膊馬有二米高, 小慈家姐你要快 d 食多 d 飯, 弟弟嫌騎得唔夠高呀

參加巧巧 3 歲生日會

應邀參加巧巧 3 歲生日會, 吸收上次熙熙生日會既經驗, 我預早俾小慈訓晏覺之餘, 仲提早到達生日會會場俾小慈 warm up, 希望慢熱既佢多 d 時間準備投入活動!

出發前已經笑口常開, 同弟弟影張合照先

有得食薯條仲加倍興奮, 壽星女巧巧扮兔仔派復活蛋好攪笑

不過都係唔肯出去玩遊戲, 但有進步肯出去排隊攞禮物

我盡量都要佢自己出去攞野, 練下膽!  只要小慈眼尾望到我, 佢今日係 OK 既

有氣球玩仲開心

 祝靚女巧巧生日快樂, 身體健康, 聰明伶俐!

Last 1 枝人奶

歷時足足 4 個半月, 泵左 390 次人奶, 今日呢枝已經係我最後一枝人奶俾弟弟飲

如果唔駛返工做全職媽媽, 應該可以長泵長有幫補唔少既, 不過我已經覺得好有交代, 除左弟弟唔肯埋身飲之外, 我今胎上奶係真係上得幾好架, 泵親都有噴射式既效果, 奶量都夠弟弟一日飲 2 次, 又飲到佢肥肥白白得得意意, 算係咁啦 ^^

最後一次飲人奶, 影張相留念先 :)

唔駛再泵人奶我就舒服好多, 至少唔駛限時限刻返屋企泵奶, 更加唔駛再戒口!

YEAH!!!

弟弟第 1 次去迪士尼

原來迪士尼出優惠俾所有年票持有人都可以免費帶一個朋友入樂園玩, 咁岩姑媽姑丈又有年票, 於是郭氏家族齊齊勇闖迪士尼了~~ 

首先參觀米奇大屋

弟弟眼仔碌碌有 d 緊張, 表現好奇四圍望

掉佢落巨型洗手盆, 佢都唔知發生咩事 :DDD

岩岩飲完奶, 條脷白色架

Mickey 對鞋好大隻呀!

小小畢卡索

小慈好開心

最鍾意玩 bubbles

初初弟弟都肯坐 BB 車, 但唔夠高睇野就會扭人抱

個樣好似好乖仔咁, 呃到人呀

See.... 要抱了!  不過我有 hip seat 非常幫到手, 只係攬住弟弟就 ok

小慈把握機會坐 BB 車, 弟弟一 "棄車" 就輪到佢坐

玩水幾時都咁 high

昊昊今日見到小明都好興奮呀, 呢個表哥好錫表弟

有姑媽嫲嫲幫手睇住小明, 小慈又同昊昊玩緊, 我同秋秋走去玩左一轉 space mountain!  第一次去迪士尼時我岩岩有左小慈唔玩得, 之後每次都係同小慈一齊黎唔可以賣甩佢自己走去玩, 今日終於完了我的心願!!  開心!!  好好玩呀, 不過冇日本個個咁刺激!

小慈同昊昊最鍾意玩巴斯光年射槍, encore 左 2 次

第二鍾意就係小小世界, 第 1 次玩小慈訓左, 第 2 次就到小明訓左!  呢度暗暗地涼涼地, 坐船又搖搖下仲有音樂聽, 唔訓著就奇啦

今日天氣好好呀, 25 度溫度適中又有陽光, 影 d 相都好靚~~

郭氏家族大合照, missing 返左鄉下既爺爺

嫲嫲真係好錫小明, 一有機會就會抱住佢!  小明一訓醒都會扭人抱, 岩晒

排隊等玩森林河流之旅

弟弟個樣真係好好笑呀

小慈被揀選做小船長, 表情肉緊好稱職

原來幫手做小船長有證書羅!! 

驚喜~~

小慈同埋昊昊幫手推 BB 車急急腳趕住睇煙花, 好可愛

本來弟弟係訓左覺既, 但煙花太大聲嚇醒左佢就喊喊, 仲有 Golden Mickey 太細個未識欣賞又係大聲都睇到扭計仔, 少見大場面啦, 弟弟!

不過整體上都表現得好好, 好乖!  食飽訓, 訓左可以放落 BB 車, 訓醒又食都算係咁啦! 

見你咁乖, 下次又再帶你入黎迪士尼睇風景刺激視覺發展先 ^^