作為基督徒既我地, 晨早起身第一件事當然就去親近神啦! 我地揀去隔一條街既大美督燒烤場, 雖然係公眾假期但咁早未有人
一班小朋友即慶玩 Limbo rock, 跳慣舞既小慈筋骨最柔軟
晨禱會, 阮生帶領我地唱非常有意景既「我要向高山舉目」, 跟住大家分享感恩事項, 嘉良叔叔第一時間就係感恩小明尋晚行提霸時竟然搵到 R4 鎖匙! 真係講出黎都冇人信架, 我地本身請所有小朋友關電筒, 小明依依鵝鵝講完又講話好想開電筒照動物, 我敵不過佢既鵝功又想大家都開心, 就吩咐佢一定唔可以照人眼睛. 玩玩下, 小明突然大叫「鎖匙!!!」 R4 咁熟既? 唔理三七廿一執左先啦, 以為係天約天諾既, 點知嘉良叔叔一家既先真! 原先吊左係橋橋條蚊帶度, 可能跑跑下就跌左! 咁大條提壩, 環境又咁漆黑, 就係個段路小明要求開電筒, 咁就俾佢咁好眼照到地下, 咁多既巧合唔係恩典係咩野? 我地亦有感恩見到螢火蟲同藍眼淚, 神非常特別既創造, 又感恩我地一班人一拍即合一齊去宿營.... 講下講下, 全是恩典 ^^
感恩雖然見唔到太陽但冇落雨, 我地所有戶外活動都順利進行! 空氣咁好伸個懶腰先~
大家一齊晨操咯!
做完運動小朋友負責煮早餐, 小明肉緊地分工
阿明靚麵
心急既團友話麵係唔駛煮架喎~~
食得喇 ^^
小明同平叔叔砌磋武功
嘉良叔叔話一望到小明個樣就諗起 R4 鎖匙...... 哈哈哈哈哈~~
係, 夜晚行左水壩, 日頭當然要行家樂徑啦!
氣勢如虹, 出發!
深入虎穴
發現昆蟲就一定架啦, 至勁既係爸爸次次都徒手捉到
大量不知名野生菌類, 千奇唔好摘黎煲湯, C 左都唔知咩事
森林入面最多既唔係樹, 而係蚊呀!!! 小慈非常後悔著短褲
見到我地尋晚行既提壩
班小朋友笑容牽強, 因為一企定就有蚊!! 快走!!
極速行晒成條家樂徑, 返營舍最安全! 等 check out 之際梗係要影下相啦
鬼馬的小提摩太團友
至煞食既靚 pose
出發去食午餐, 小朋友見到沙灘一角都要去玩下, 小明拋石拋到成對鞋濕晒, 真係....
旅程既最後一站我地去左搵麥師傅
任食自助 BBQ, 食材新鮮多樣, 好正啊~
燒雞翼~~~ 我鍾~~意食~~~
當真見到麥師傅!!
周圍都貼晒燒烤心得, 麥師傅親自落場教我地點樣叉肉, 又燒埋俾我地食, 巧開心耶!
麥師傅牌燒豬扒, 真係滑得黎脆口, 好好味呀!!!
感恩我地揀左去有蓋既燒烤場, 燒燒下落勁大雨, 小朋友當然係唔理咁多繼續玩啦
飽到上心口, 係時候返屋企由頭洗到落腳, 開心的宿營, 我地會再試其他營舍架 ^^
