提摩太團宿一宵 Day 1

每年都有 outing, 適逢星期一公眾假期, 我地團契第一次決定出街過夜呀!  感謝天父俾我地咁遲決定都 book 到地方, 大大小小 22 人去白普理賽馬青年旅舍 ^^

教會出發飛的去營舍, 好快到!

營舍環境簡潔

6 家人, 大家抽鎖匙決定要咩房, 小慈抽中 R6

一家人一齊瞓上下格床好攪笑, 兩位小朋友二話不說梗係揀上格床啦, 小慈話同學校基督女少年軍既營舍一樣, 又係要自己舖床單枕袋, 所以非常熟練 :)

攪掂!  可以去玩咯

一堆小朋友係度捉昆蟲, 小明遇見同道中人開心到不得了

跳大繩係好好既運動黎架

人齊影張提摩太大合照先!  今次係非常難得既宿營黎架!

集體遊戲時間, Keynes 叔叔教大家玩跑步過三關, 不過小朋友未識作戰策略, 次次都係鬥快跑放直線黎贏對方

遊戲二 : 拉繩砌幾何, 全組合作拉出指定圖案, 小慈小明砌緊五邊形, Keynes 叔叔話每人只用一隻手, 鬥智的遊戲, 好好玩

遊戲三 : 估領袖  小明估極都估唔到小慈家姐就係領袖, 笑死了!

教爸爸玩韓國人成日玩既單腳遊戲, 一高一矮強弱懸殊, 小慈好快被撞開

雞單降落傘製作中

我地為雞蛋造左好多安全網, 落地仲有 air straw 添

為大家介紹 -- 任跌唔爛既降落傘

包到幾密實, 嘻嘻~

二樓落地, 完美著地, 檢查下有冇爛先

完整無缺!!  大成功, YEAH!

全體合格!!  勁勁勁!

玩左成日, 係時候煮晚餐喇!  冇飯落肚點有力呢?  所以煮飯最緊要既係 -- 洗米!

小慈小明完成艱鉅工作, 第一次洗 15 杯米!  冇徙米架

咁乖, 獎勵你地飲嘉麗姨姨老火靚湯 -- 蕃茄蘿蔔粟米豬展, 非常好味!

等食的小朋友自在地搵娛樂

冚綿胎中

開餐!!  一家負責一味菜, 我地煮既係花雕醉雞翼  ^^

仲有秋葵木耳, 鴛鴦金菇肥牛卷, 蝦醬豆卜蒸豬肉, 另加少少外賣

飯後節目 -- 嘉良叔叔教自製牙刷刷機械人

一塊電池加小摩打, 牙刷真係識郁架

好好玩

呢班愛小動物男孩係度做咩呢?

名副其實照田雞!!

咁近大尾篤, 我地冇理由唔去行水壩, 行夜山!  小朋友興奮地照電筒, 但實在太耀眼, 勒令關燈後, 竟然俾我地發現有螢火蟲!!  黑夜中閃閃發光, 得一兩隻架咋, 唔留心就睇唔到!  小朋友忍唔住開燈睇佢真身, 見到石上有個橙色既頭仔嗎?

更感恩既係, 我地係海邊見到藍眼淚!!  好多發光海藻, 好靚呀!!!  可惜電話影相影唔出個震撼既效果, 只見到少少藍色一點點

來回行晒成條水壩真係腳都軟, 沖完個涼竟然有阮太牌糖水

腐竹雞蛋糖水滑得黎唔太甜, 好味道啊!!

不經不覺已經 12:30, 甜住咁覺覺豬了~~