出街食飯

來英就黎 5 個月, 出街食飯既次數真係一隻手都數得晒!  耐要耐都要俾大廚抖下, 就記錄下我地食過 D 咩啦! 

成日去超級市場都經過呢間 Pizza Hut, 今日入黎幫襯, 係久違了既 salar bar 呀.....

呢度既 salad bar 係任食既, 我仲好記得香港以前既 salar bar 只可以攞一次, 於是大家就發揮非常既創意, 同一隻沙律兜, 竟然可以砌座沙律塔番黎, 高過個人咁滯, 果然香港既建築係世界知名既

用手機落單, 有套餐但唔包飲品

我地香港既食量係全家食兩塊大批, 但估唔到呢度既大批係加大 size, 完全食唔晒要打包

順便行下街, 發現同款波鞋, 好得意呀!!

間舖太大, 要尋寶先搵到心頭好

去埋附近超級市場, 呢位年輕人近來瘋狂愛上青瓜

第一次試 Reading 市中心既日本放題 sushimania

Exactly 要 6:00 pm 先開門俾你, 唯有坐陣先

開餐!!!

唯一既刺身選擇係三文魚, 仲要限量每人 5片, 不過佢超厚切, 我地食完已經飽飽地

所以, 非常唔抵地, 縱然任食我地都只係入左單兩次..... 蝕!!!

Call Call Call Call Call Collar!!!

放題都係唔岩我地, 都係食平靚正既快餐感覺冇咁肉赤

大廚表示耐唔耐出街食飯係可以俾佢抖下, 但食物質素參差又貴真係好難忍住唔彈...... 自己煮好 D~