Probation

我既老闆真係對我好好, 俾我有自己一間房, 俾新電腦我用, 送復活蛋請飲咖啡請食雪糕又成日俾我早收工!  2022.6.28 今日我過三個月試用期, 佢加人工俾我之餘仲送花俾我!!!!!

Reception 叫我出去收野, 一去到就成盆花遞俾我 (係有紙盒座底既), 仲問我邊個送?  我完全冇 idea!!  隨花附送一張咭, 喂!  冇簽名架喎!!  玩咩?  攪左好耐先知原來係老闆送花俾我 @.@  

對上一次老細送花係我工作廿年, 今次收老細花我只係做左三個月咋!!  超級驚喜!!  果然外國人表達感謝既方式真係好直接!!

Pobation review, Boss said: ' Whatever you're doing it's amazing, keep it up!'

老闆俾好大自由度我, 對我交既功課永遠都 Amazing Fantastic Brilliant You did it in second!!  真係受寵若驚!  佢永遠都唔會知道有一段時間, 因為我覺得自己好廢工作唔識做幫唔到手而想辭職 @.@   

當我面對 mission impossible 時, 我就仰望呢隻窗向天父禱告, 真係試過祈禱祈到喊!  好奇妙, 當我喊既同時, 平靜安穩就臨到, 仲好似有隻無形既手搭住我膊頭, 俾我有力量繼續行落去!  天父真係好愛好愛我!!!

我眼力下降睇 laptop 好辛苦, 老闆就買左隻 21.5 寸大 mon 俾我, 插住部 laptop 就可以 share screen, 嘩!  真係眼界大開, 我終於睇到字喇 XDDDD

我隻窗開唔到, 同事覺得我間房焗, 於是抬左把新風扇俾我仲幫我砌埋, 我真係好感動!

天氣熱, 老闆請食雪糕

學期尾舉行 Alpaca Day 有草泥馬玩

George is so cute!!!  佢鍾意食蘋果

日日都上高速公路返工泊車技術亦都被迫進步, 呢個係我最鍾意泊既位因為零技巧

我最掛住既就係以前日日同班同事食飯, 呢度食飯得半個鐘office又偏僻, 行得出路口已經夠鐘, 忙起上黎又唔覺肚餓, 順便減埋肥

紥花真係好大紥

我要用個筒先裝得晒佢地

I can do everything through HIM who gives me strength

When we do our best, God will do the rest

Thank you God!  Never give up!