舊年我既生日正正係星期日, 雖然疫情, 但都仲可以返教會見下人~
今年生日係星期一, 疫情持續加上限聚令連教會都冇得返 V____V 唔理咁多一早同老闆請左兩日假連放 4 日俾自己輕鬆下!! 不過小慈小明要返學都冇咩攪作, 今朝好乖一叫就起身, 仲神神秘秘送禮物俾我 :)
小慈話出唔到街但要送禮物俾我係超級難既! 搵均全屋先搵到一條似樣既毛巾, 上網學左好耐先識摺, 失敗左好多次! 弟弟就負責寫咭仲寫埋 magic words! 乖喇乖喇~~~ 非常有媽媽心, 抵錫!! 依~ 張咭寫住 "希望我有愉快唧一日" 咁我唔客氣勁 "唧" 弟弟架喇喎 XDDDDDD 笑到我呢!!
點心師傅每日零晨就開始包點心到 5:30 am 開早茶市, 即叫即蒸賣晒就收工! 真係好懷念, 好有風味, 係以前酒樓點心車既味道~
同老公撐枱腳幾時都開心! 老公仲為我祈左個靚禱 ^^
食飽飽就有力行街街!! 我地今日 shopping 買左超多野!!! 首先去左 $12 店, 本來想買 wooden bowl 點知發現 wooden computer table; 偶遇 30 士多同大孖醬園買燒賣同特級醬油; 經過精品店買左兩隻得意杯俾小慈小明, 佢地成日話冇一隻屬於自己既杯; 經過電話舖見平又買左兩隻插 USB 既 Headphone, 佢地上網課使用量太高原本用緊既已經壞壞地, 又話冇咪又話得單邊有聲咁; 最後當然去左寶湖道街市買又平又抵既花盆同泥啦! 大包小包咁買到一車都係 :P
五勞七傷既我地真係搬唔到 @.@ 秋秋搵左好兄弟郁師傅幫手, 佢係 Ip Man 既傳人黎架! 小明快 D 拜見師傅!!
兩包泥真係超重, 連同上次花墟買既野遲下再一併處理
30 士多燒賣配夠抽豉油加大孖醬園秘撈魚蛋醬真係超級好味!! 小慈個個星期日都指定要食呢個做早餐 ^^
拆禮物時間, 睇下小慈小明幾開心!! 佢地完全冇估到我生日佢地反而收禮物, 仲要係每一份都咁鍾意同咁需要!!! 有左個電腦木架, 佢地張書枱即時大左好多, 有好多位做功課同抄筆記, Headphone 靚聲 all around you, 有超可愛杯杯陪住又會見杯飲水 XDDDDD
係時候喇! 搵到間 Buffet 近我地屋企又唔限時, 我地最鍾意食既暴飛食物呢度全部都有!!!!
價錢都算中位數, 太平既就會有 D 野缺欠, 太貴既我地胃口細根本回唔到本, 而家岩岩好! 英雄所見略同, 所以今日就算係星期一平日都好多人幫襯, 要排隊入場都幾誇張
地方好大好寬敞啊~~~
弟弟第一時間走均全場終於俾佢搵到 Parma Ham!!!! 開心晒! 食足 3 碟!!!!
我地呢個位都算靜局, 仲要非常近生蠔專區, 弟弟一見冇人排隊就衝出去, 食左 1 打都有! 回本!!
好味! 豬腳薑, 麵包蟹羔, 鵝肝都俾我食到! 太滿足了~~
小慈今晚終於學識剝長腳蟹, 蟹腳鮮甜得來又有好多海水, 好正呀!!! 下個月自己生日已經決定要 encore 呢度 XDDD
食到俾心心, 真係好開心! 好耐冇咁 free 食極都仲想食, 飽到行唔郁!
酒店仲送生日甜品 cake 俾我呢~
多謝我既乖仔乖女乖老公! 有你地既陪伴就係最好既生日禮物 ^^
唔少得我班好姐妹為我開個生日 Zoom, 世界 key delay 住唱生日歌俾我聽, 笑到肚痛!!
愛我既同事朋友仔請我食生日飯又上我屋企探我, 好 sweet :)
Joey 姨姨好耐冇見過小慈小明, 睇住你地出世, 眨下眼已經大個晒
今年生日小慈已經過高我, 背影同我似足 9 成!! 我真係好感觸, 好安慰!! 遺傳真係好奇妙~
世事多變, 人情依舊, 雖不常見, 藉著生日再一次將我地連繫一起, 好溫暖! 人越大越珍惜健康, 珍惜與家人朋友相處的一分一秒!
生日快樂! 願大家都快樂!!
生日快樂🎂🎂🎂🎂🎂主恩常在
回覆刪除