Zoom 有時, 玩樂有時

冇喇冇喇!  4月20日復課無望喇!  疫症已經去到歐洲國家又全球大爆發, 香港每日仍然有新增個案, 第一波由武漢湖北傳入, 第二波由鑽石公主傳入, 而家第三波由外地傳入, 復課要求係香港連續 28天無不明源頭既本地感染, 學生仲要夠口罩先得喎, 所以都係復課無望啦~

停課不停學, 而家每日都要上 google classroom 收功課, 做完又要 scan 又要 email, 仲話要用 Zoom 上堂, 真係忙過正常返學好多

我地屋企 D 電腦冇 cam 冇咪, 小慈就話用手機都可以 Zoom, 真係叻既姐!  不過佢都係唔會出樣又唔多出聲, 所以著住睡衣食埋零食咁上堂都冇問題 :DDDD

每日既時間表係朝早上堂做功課, 做完所有野先會係自由時間, 你睇呢個小朋友幾舒暢咁睇電視

勤奮有時, 玩樂有時!  媽媽執完個玩具櫃發現左好多好耐冇見既玩具!  呢副動物農莊係小明既生日禮物, 大個仔反應超快, 我地全家都唔夠佢黎呀!

超大版 UNO

小慈俾我地連 draw 佢 6 次 +2 都仲笑得出, 叻左好多呀!  細個時同一情況佢會喊架

家庭遊戲係需要一家人一齊玩至夠開心!