單車樂

每次爸爸放假, 我都好想一家人一齊活動下!  今日天陰陰涼涼地好適合踩單車, 於是完左教會崇拜食飽飽就去沙田公園租單車.  嘩~~~  完全估唔到呀, 三間單車舖都可以租到冇晒車, 連鐵架上面既車都要抬落黎, 我隻手唔按住架車係會俾人租左去既, 真係超誇張!  我以為行山先至會人山人海姐, 估唔到踩單車都攪成咁..... 爸爸好想走, 但一場黎到唔好掃慶啦, 貴左好多要 $110 踩到 7:00 pm, 照租啦!

出左車好耐先搵到個位停低影張相, 真係塞車架

小慈舊年復活節同我踩過一次去大埔來回, 今次信心大增!  不過佢話條街實在太多人唔敢除口罩, 好在今日天氣涼唔會太唔舒服

嘩~  吐露港呀!

風景優美梗係要影張相留念

仲有全家幅

小慈話爸爸媽媽太少合照, 又影得幾好喎~

第一站科學園, 小明已經唔記得左呢隻金蛋, 專登同佢行入去影張相

科技大道幾靚

Yeah!  用左一個半鐘, 我地黎到大埔海濱公園喇!  滿天風箏係佢既特色

好多好多小白露!

小慈見到人地放風箏, 佢決定放口罩 :DDDD

休息 15 分鐘係時候回程了, 爸爸怕弟弟休息太耐對腳仔會冇力, 快 D 走~~~

回程路好踩好多因為少左好多單車唔駛時時刻刻煞車!  下次真係唔好星期日出動!

11歲既郭小明第一次沙田大埔沙田, 全程超過 10KM!  炒左幾次車又甩左少少皮都冇叫辛苦冇喊, 堅持完成歷時 3 個鐘既壯舉, 好叻仔呀!!!

你睇下個公園密質質多人到.... 疫症完喇咩?  大家唔好鬆懈呀!

腳步浮浮既郭小明返到屋企做左兩 part 按摩椅

兩姐弟仲輪流搽按摩膏, 有冇咁痛呀?!?

後記:  弟弟話佢瞓得唔好凌晨 12:00 醒左再搽多一次按摩膏, 係廳度逗留左一個鐘先返入房再瞓, 見我同爸爸都瞓得好霖就冇嘈醒我地幫手.... 唉呀阿仔, 做咩咁可憐呀?  攪到我肉赤到不得了... 咁辛苦, 下次仲踩唔踩咁遠呀?  小明亳不猶豫大大聲答我: 踩!

小慈家姐話痛完對腳會勁左架 ^^ 哈哈哈!  我好想下次一家人踩去大尾篤摘埋士多啤梨呀!