行山

屋企後面有座山, 成日都見到有人行, 我一直非常好奇!  趁今日爸爸放假, 天陰陰又涼涼地, 我地決定去挑戰下!

專家提醒大家一出家門就要戴口罩防感染, 我地好乖有照做, 但而家呢度四野無人, 除口罩喇喂!  我有用信封 keep 番 d 口罩, 冇隨山掉的, 放心~

各位行山朋友, 不要破壞風水, 請勿折斷所有植物..... 我估唔破壞大自然是常識吧, 又關風水事?

呢段山路其實係冇路既, 所謂既路絕對係人行出來的!

行山人士真係好好呀, 沿路有縛記號指示大家正確方向

唔止撥開 D 草, 好多位都係靠身邊既小樹幹俾我地借力上, 去到大石時仲要游繩, 真係估唔到咁刺激!!

我地上到一個小頂, 稍事休息

欣賞下風景

我地要去攻陷個尖尖

呢段路仲難, 越來越斜全程游繩, 好在有爸爸穩如大石般扶持小慈小明

小明 B 比我想像中靈活輕巧, 身手敏捷!!

就黎到喇!!!

YEAH!!  成功攻頂, 成身濕晒!!!

好有滿足感

小明最開心!  不過佢話成段路好怕有蛇出沒, 爸爸話座山都冇動物點會有蛇?  餓死佢咩 :DD

好舒服

小慈好叻呀!  不過佢對鞋底坑紋唔夠深, 成日煽腳

小心 D 呀!  望番落山腳, 呢度真係好高好斜架

等我都 key 番個頭先 ^^

工人姐姐係屋企幫我地影左張相, 見唔見到我地呀?

出左太陽 D 相仲靚

我既小寶貝 ^^

休息完, 我地準備落山喇

又要游繩

上山已經唔容易, 落山仲難

發現石英

爸爸話用兩舊互相磨擦就可以打火

仲有發現好多好得意既植物

靚花!  形色同花伴侶都教呢種植物叫石斑木

仲有山澗

見到小明咁開心既笑容, 我地已經到山腳了!!  叢林中既佢好似阿妮阿蒂 :DDD

全程連埋休息時間行左 1 小時 20 分鐘, 由頭濕到落腳, 大脾仲要痛左兩日....

行山.... 唔係, 今次係爬山, 真係非常消耗體力既活動!  不過 feel so great!  好刺激又難忘既經驗!