Stay at Home 近況

已經放左比暑假還要長既肺炎假喇~  雖然唔駛返學但有好多功課做真係唔夠開心, 怕病毒又唔夠膽落街玩真係好有壓迫感, 今日仲話有咩限聚令, 超過 4 人集會就即罰 $2000, 令大家形同軟禁係屋企!  慶幸小朋友好識自得其樂, 食飽瞓瞓飽食, 姐姐伙食又好, 小明已經肥左 3 KG, 小慈重左 2 KG, 真係萬幸呀~~~

幾似 MOS burger

不得不讚姐姐既午餐日日不同款式, 千變萬化食極唔厭!

得閒又會炒下蛋做早餐既小慈小明, 我專登買左個細 pan 俾佢地, 更加好用

咩都攞黎玩下, 超大啤牌玩七級豬更刺激

玩埋 3D 模式檢視, 好大隻熊貓呀~~~

上天台打麻雀已成習慣, 不過都要睇天氣!  今日媽媽整左舖一炮雙響, 打出八萬俾小明上家食左, 下家小慈舖清一色萬子又係食八萬冇得食扁晒嘴

網上流傳呢張照片讓我地明白動物園既動物日日都 Stay at Home 既感覺

疫情未係再一步險峻時, 興趣班都有局部開番改小班教學, 可惜跳左兩堂繩又要剎停了

星期六, 我地今日決定參予地球一小時, 呢 D 係屋企都做到既活動我地通常都參加

熄燈玩電筒小明當然超級興奮

熄燈打機究竟算唔算係參予左地球一小時呢?  不過唔打機又好難捱一個鐘... 略盡綿力啦 :P

星期日, 之前一直都冇停過戴口罩返教會崇拜, 教會為了更保障會眾決定停 3 個星期座堂崇拜及主日學等聚會, 今日第一次實行全會眾視象直播, 我地一家四口準時出席!  無論係邊度都可以異地同心敬拜天父 ^^

春天到, 花兒開, 我地個天台好有起色呀!  之前網上教食完菠蘿切左佢個頂再種係可以再繼續生菠蘿的, 真係 work 呀!!!

我地個天台花園靚靚呀!  茉莉花, 菠蘿仔, 蕃薯花, 仲有士多啤梨都開花!

呢棵蘭花都開得好靚~~

小慈棵桃樹都開花了!

冬天時全棵樹一葉不留, 幾驚佢就咁去左

菠蘿長大得好快, 爸爸決定換過大 D 既盆等佢生得大舊 D

新生出黎既菠蘿葉有刺架, 小心

換完!

祝你快高長大呀, 菠蘿仔!

跟住到幫提子加泥

我地已經預備左 D 竹俾佢爬架喇

疫情下 Stay at home 既生活大致係咁啦!  如果唔係小慈小明, 我相信我同秋秋真係如下圖示 :DDDDDD

Stay at home 至少有個 home, 有電有水有食物, 身體又健康仲肥左, 真係已經好幸福, 要感恩!