今日係我既牛一, 慨嘆遇著 COVID-19, 香港仲要由一日十零宗個案激爭至一日 50-60 宗真心驚! 本來都預備左 D 節目而家唔知去好定唔去好? 十五十六中~~ 慶幸一擘大眼我既小寶貝就俾左十足驚喜我 ^^
佢地趁我返工時運用科技錄左首 "世上只有" 俾我, 一起身就係電視度播俾我聽, 有埋對白設計, 極度攪笑 :DDDD
小慈乖女仲專登晨早 7:00 起身摺朵靚花俾我, 知我鍾意藍色所以朵花係藍色既, 真係好靚呀!!!
爸爸話錄音入面既鋼琴聲係小慈練琴練左兩個鐘彈出黎架! 即場再彈一次俾我聽, 巧感動呢!
搵到世上只有既琴譜但得 chord, 小慈自己彈番個 melody 落去, 好叻叻呀!
收完生日禮物就返教會崇拜, 適逢生日正是主日, 雙重感恩! 多謝天父賜給我溫馨的家, 愛我既屋企人, 健康既身體, 穩定既工作..... 好多好多數不完的恩典!!
仲有一班愛我既弟兄姐妹!! 早前提摩太團為我地三個生日之星慶祝呢!
多謝大家抽空出席迷你生日會, 彼此分享, 互相代求係提摩太團既核心價值!
三月之星要除口罩見~
崇拜完畢, 天氣實在太好, 我以往生日 9 成都落雨架! 於是決定去石屋家園既戶外餐廳享受下太陽, 殺下菌
成日搭車都經過, 我想試呢間石屋咖啡冰室好耐架喇!
二十世紀五十年代, 侯王廟村及附近地區改建為電影製片場, 如著名的長城片場, 影星如陳寶珠、蕭芳芳和馮寶寶都曾在這些片場拍攝電影. 基督教浸信會林子豐博士及其他教會人士則在白鶴山 (即現時基督教墳場現址) 山邊建築平房, 名為「迦南台」及「博愛村」, 我地教會既前身黎架!!!!
長城片場於五十年代遷出後, 片場原址分租為多間工廠如超錦五金廠、華發電鍍廠及於仁牙膏肥皂公司等, 而石屋家園現址則租予「藍恩記山墳墓碑工程」及「永盛裝修工程」經營, 其中「藍恩記」招牌保留至今
陽光午餐好舒服呀!
我既小羊美芝都黎到賀
小明飲酒?!?
其實係爸爸既凍咖啡, 仲有手撕豬扒漢堡包, 薯條俾小慈小明食晒, 好味
小慈好鍾意呢個 All Day Breakfast, 杯凍榛子咖啡俾佢飲晒
真係好似飲緊烈酒, 尤其係佢粒大凍塊, 呃到下 :DDD
今日都好多人一齊享受陽光, 人流不斷
同老公影下靚相 ^^ 小慈操刀既呢張相仲影到 double rainbow!
秋: 小姐想去邊呀?
我: 下一站, 天國丫!
又大一歲, 距離半百又近左一步
我個乖仔, 我地今日都係黑白黑白咁, 幾襯!
小慈既面型同笑容最似我
本來可以參加導賞團參觀探知館深入了解石屋, 好可惜呢!
食飽飽趕返屋企參加提摩太團既網上團契, 連遠在加拿大既 Keynes 同第一次見既甘朱 B 都一齊 zoom meeting, 仲唱生日歌俾我聽, 好霖呀~~~
我班死黨都有同我開 Zoom birthday party, 心言同 Sandy 狂俾 birthday kiss 我, 錫到我成面濕晒, sweet 到爆!!
我既好同事同我食生日飯仲有送生日咭仔俾我, 令我好感動!
唔怕死既好家姐 Joey 都有出黎同我食生日飯, 我地幫襯既呢間黃店成間舖都好有特色
晚餐, 老公本來話煮飯俾我食, 但我唔想佢休息日都咁辛苦, 於是決定早 D 出去食晚餐避開人流! 我地去食 Outback, 呢間舖好靚, 每個鐘都有 show 睇, 我終於食到我想食好耐既長腳蟹喇, YEAH!!!!
Outback 既黑醣包配牛油真係超好味, 仲任你食幾多都得添! 芝士薯條既芝士仲可以拉到好長, 好好玩呀!
我今晚食殘廢餐, 有老公剝蟹俾我食, 阿仔切菜, 阿囡切牛扒, 我淨係擘大口就得 :)
餐廳知道我生日送左件 birthday cake 俾我, 侍應姐姐仲帶頭唱生日歌, 巧開心咯!
古靈精怪既小寶貝氹到媽媽好開心! 不過我唔喜歡弟弟食媽媽面囉 \__/
唔好徙, 生日壽司有 8 折
自己夾糖勁興奮, 究竟係我生日定你生日呢?
多謝各方好友網上既祝福, 收到晒!!!
雖然今年生日有好多限制, 但身邊朋友帶黎既溫暖係一樣既! 非常多謝愛我既每一位, 生日願望係大家身體健康, 疫情早日退去, 生活回復正常!
