馬丁‧路德 Martin Luther

自從小慈上次演出過教會話劇, 對演戲產生左濃厚既興趣, 當知道福戲網絡於 2016 年製作了《馬丁‧路德》, 首演大獲好評, 一票難求.  適逢 2017 年為馬丁‧路德推動宗教改革運動 500 周年, 決定重新製作《馬丁‧路德》, 與觀眾一起回顧這場改教運動, 重尋「因信稱義」對現今基督徒的意義, 仲有堅誠哥哥做編劇添, 我地梗係鼎力支持啦!

三面台, 我地坐咁前, 感覺好近呀!

劇照

馬丁‧路德生於 1483 年, 係一個好叻既人!  少年時已開始學習拉丁文、修辭學、 邏輯學及哲學, 22 歲修讀法學博士之際, 一場雷雨, 令馬丁‧路德違背虎爸爸要佢讀書光宗耀祖既意願, 毅然進入修道院追尋信仰

馬丁‧路德放棄攻讀法學博士, 轉而加入奧古斯丁隱士修道院作見習修士, 2 年後被祝聖為神父, 3 年獲得聖經碩士學位, 被威登堡大學聘為講師, 4 年獲得神學四綱碩士, 7 年獲得神學博士學位, 於威登堡大學擔任聖經研究教授, 亦成為奧古斯丁修道院副院長

1510 年, 馬丁‧路德出差羅馬, 當時教廷腐敗不堪, 歪曲聖經, 大量售賣贖罪券, 推崇各類迷信膜拜 (爬聖梯, 摸聖骨), 再加上神父修士的荒淫生活, 都令馬丁‧路德感到義憤填膺.  1517 年, 馬丁把對教廷教義有所質疑的地方寫成了「九十五條論綱」, 並將之釘在教堂的大門上, 估唔到呢個咁微小既行動, 竟然引發宗教革命的熊熊烈焰......

「九十五條論綱」

辛苦了台前幕後的工作人員, 睇完套劇, 我心情好激動!  如果唔係馬丁‧路德對真理既追求, 我地今日可能連信緊咩野都唔知道

城潮浸陣容鼎盛!!  Good Show!

Perfect 的日曆!!  今天就是紀念馬丁‧路德的日子!  Amen!