8 號風球家訪

有記憶以來, 今次係第一次因為星期日打風而冇得返教會!!!  7:00 am 已經宣佈 10:00 am 前掛 8 號風球, 教會通知大家留在家中不用返午堂, 但我收到消息既第一個反應係「大獲!」 因為我個廚房預左廿幾人既食物, 提摩太團原本今日午堂崇拜後來我家午餐, 而家打風, 咁 D 食物點算呀?????

好在, 弟兄姊妹當中有許多勇士無懼風雨 (其實今次個風連雨都冇乜) 揸車黎我地屋企幫手食食食 :DDDD   黎左 3 家非常有食力既團友仔, 太好了!

打機梗係唔少得啦!  小明話佢 KO 左劉明叔叔, 開心到不得了!

仲有入房玩足球機

又有上天台行下

美食源源不絕送上

一齊玩包餃子, 自製美食特別開心!

仲有 BB 玩添呢!  培培 4 個月大真係好得意 ^^

幫手餵奶同揞瞓覺, 寶刀未老 :p  不過培培好大隻, 手都軟

多謝大家冇嫌棄我地屋企地方淺窄, 風雨不改黎我地度玩, 如果提摩太團齊人上黎真係不得了呀!

非常難忘的 8 號風球家訪~~