拗柴

辛辛苦苦坐定定溫書既日子岩岩完結, 終於可以重見天日周圍去玩之際, 小明就送左份大禮俾我 -- 落樓梯扭親腳  (>____<)'

為呢位傷者提供特別餐飲服務, 仲識單眼幾得戚

電視送飯係完美組合, 望住叮噹唔記得腳痛

要呢隻平時周身郁既馬騮坐定定唔郁, 坐坐下就瞓著左......

診所未開門, 唯有用冰敷住佢隻豬腳

敷完都仲係好腫呢!  腳眼似收埋左粒雞蛋, 一掂就叫救命

呢張相係佢自己加工, 自己幫自己隻腳配音 "OUCH"  笑 C 我~~

估都估唔到醫生會拒絕同我地睇症叫我直接去急症室照 X 光!!  我話弟弟唔係高危病人, 去到急症室至少等 4 個鐘, 唔好玩啦醫生!  醫生話擔心小朋友骨軟, 拗到有碎裂唔知, 肉眼又睇唔到所以一定要照喎....  竟然要同醫生講數, 一人讓一步, 我點都唔肯去急症室, 醫生話點都要照, 終於係飛的士去 Lab 照 X 光  @.@  我本來係應學校既要求寫返張醫生紙同小明申請返學搭 lift 先黎睇醫生架咋, 估都估唔到拗柴要照 X 光!  朋友教我, 下次去睇跌打中醫都可以寫醫生紙, 跌打仲有經驗一摸就知你要唔要照咁話

Anyway, 弟弟第一次照 X 光, 驚得佢個衰樣以為會好痛唔肯去, 我話幫隻腳仔影張相之麻, 佢先安心肯合作, 佢好怕人地幫佢摔藥

醫生寫左三日假紙, 要食消炎止痛消腫藥, 又要塗止痛膏, 衰豬仲笑得出!

下次上落樓梯唔該小心 D 啦!  快快好番, 聖誕假期仲有好多地方想去玩架!!