搬村屋

弟弟細個對蚊好敏感, 次次被咬都會發燒起水泡要睇醫生, 一到夏天就成腳腫晒, 著長褲防避就會咬頸咬耳仔咬隔肋底, 搽咩蚊膏蚊水花露水都照咬, 勁討厭, 村屋多蚊又有狗吠我真係麻麻地, 估唔到以前堅決反對住村屋既我, 今時今日會因為個天台而改變心意, 我地又搬屋喇~    ^^

小慈小明勁鍾意呢條長樓梯

個天台真係好正呀, 兩姐弟即刻搵掃把掃地, 笑死 ^^

仲同村長屋企既寵物 friend 左 :)

攞左鎖匙度岩 size 我地就去宜家傢俬買櫃, 小慈對呢張大書枱愛不惜手

想食雞翼肉丸既先決條件係要搵到位坐!

太攪笑

開始執野 pack 箱, 呢位小朋友搵番自己最鍾意個件倉鼠衫同埋至愛既小倉, 即刻要扮埋倉鼠樣影相

搵到爸爸細時非常辛苦, 一支一支咁贏番黎既劍仔, 弟弟一見鍾情 ^^

一遍混亂.... 仲要返學既弟弟唯有在紙箱上做功課  :p

呢間搬屋公司真係好 pro, 我張梳化包到幾靚~

8:30 am 搬到 7:00 pm 搬村屋唔係講笑, 6 個人先抬得郁我個琴, 梳化同餐枱要「釣」入屋, 辛苦曬班大隻佬, 佢地搬到周身傷, 見者流淚..... 放到成屋都係野, 心感歉疚, 點解我地會有咁多雜物架???!!! 

有排執......

爸爸弟弟努力砌碗櫃

小慈家姐努力拆箱, 大家都為新屋企出力

仲有時間佈置聖誕樹仔添 :)

工人姐姐真係好厲害, 兩三日已經執好個廚房煮到飯, 晚餐豐富~~

經過個幾星期既努力, 我地終於執好間屋喇, Yeah!!!

去到邊都帶住呢 4 個寶箱, 小慈小明珍貴既手仔腳仔模, 一掛起就有我地屋企既感覺 ^^

小朋友房

影出黎好似好細, 但細得黎又好似好大, 小慈既私家床及書枱

弟弟同工人姐姐既碌架床, 弟弟半夜仲要去廁所, 所以瞓下格

走廊放鞋櫃, 善用空間 ^^

樓梯底放玩具櫃, 預小慈小明攞玩具上天台玩, 樓梯頂有條躉, 可以放唔曬得太多陽光既紫羅蘭, perfect!

我既套房 :D

廚房入面有廁所, 工人姐姐可以自成一閣, 好正架!

天台我地就買左室外餐桌同埋巧貴既天台儲物櫃

成張雙人床咁大真係儲到好多野呢!

小慈小明梗係鍾意上去玩啦

仲係天台扎營添 ^^

天台亦適合種植, 我地棵菜心死過翻生呀 ^^

越來越喜歡村屋, 空氣真係好好!