蚱蜢

小明既喜好係比較特別, 成日都問我幾時再可以捉蚱蜢?  我咪話時間唔岩, 朝早要上興趣班, 上完都 11:xx am 蚱蜢已經跳走晒冇得捉啦.  小明就話可唔可早 D 起身, 早 D 去捉左蚱蜢先上興趣班?  依?  又得喎!  慣左早起身返學既我地當然冇問題, 好啦!  一早出發!

早到 8:00 am 已經到左雀仔街, 只有一間蚱蜢店岩岩開門, 我地 6 隻眼望住開緊檔既叔叔, 又周圍巡邏咁, 叔叔問我地做咩?  小明話要捉地下既蚱蜢, 點知叔叔聽到好開心, 小明捉左 3 隻, 叔叔再送多兩隻, 又送埋條草俾小明小慈放入盒, 叔叔話：「捉蚱蜢好!  出多 D 街玩唔好成日掛住玩遊戲機, 打機壞眼架!」

檢視成果

識望鏡頭, 跟我地返屋企喇~

今朝一早, 小慈小明跪晒係度做咩事?

原來其中一隻蚱蜢已經魂斷歸天, 一班 Lego guy 為蚱蜢舉行哀悼會

我.... 會永遠懷念你!