嘩~~ 好大幅地圖呀!
呢度好似好多野玩咁噃
有機有機薈, 咩黎呢? 大家都對農莊個名好有興趣, 呢度係由一位百病纏身既高級公務員 Raymond 開發架, 佢話自從做左現代農夫之後, 身體好到不得了!
天父真係好愛好愛小朋友! 本來天文台預測話十一會打風仲直吹香港, 但跟手就吹左去台灣, 打風唔成三日雨, 尋晚又真係落到黃雨警告, 大家都好擔心今日去農莊咪全部都係泥氹? 越擔心當然越要祈禱, 小朋友純真既信心更難能可貴, 今日不單止無雨, 你睇下個天, 藍天白雲都出埋, 天父真係好奇妙呀!
黎得農莊我地當然要做下農夫啦, 第一站我地就去栽種
呢位小農夫玩泥玩到好開心
時間唔岩, 如果月中黎可以種有機士多啤梨, 夏天就可以種西瓜, 而家只可以種菜心咋
有機種子只可以保存 3 個月, 所以出面賣既種子係粉紅色, 因為落左防腐劑黎幫種子延長壽命
如果夠幸運, 兩星期後我地既菜心都希望有咁既發芽情況
周圍行下
田園裡的男人
士多細細好多野賣, 本來秋秋想買包有機泥返去益下我地既盆栽, 不過包泥成半個大人咁大, 諗黎諗去都諗唔掂唯有作罷
節目二: 午餐時間
食完兩條腸兩隻雞翼, 小明就失左蹤
原來佢搵到佢既至愛 -- 餵山羊
羊 BB 兩個月已經咁大隻
好在有山羊一家, 否則小朋友邊有咁好耐性陪你燒烤
節目三: 親子農夫體驗計劃
手扶著泥耙?
我地要落田開墾荒地, 首先要做既就係除雜草
鋤呀!!!
要連根拔起先算成功架!
小慈都做得好好, 過程中小慈鋤死左條蚯蚓, 非常內疚 .....
好在只係體驗下, 咁大塊田, 真係要開墾絕對唔惹少, 唔怪得農夫一定要養隻牛
拔晒所有草根後就要鋪呢塊類似膠袋既布去焗死泥入面所有蟲蛋、雜草種子..... 跟住就可以耕種架喇
好得人驚爸爸鋤到個蟻窩, 螞蟻周圍亂竄, 大家快 D 走
徹底清潔雙腳, 腳下容不及一粒沙係小明由細到大既性格
節目 4: 做手工, 小明不停話呢個環節好悶, 寧願返去鋤地喎
ok 啦
有興趣去有機薈農莊玩既朋友, 而家做緊特價呀!
爸爸去買餸煮飯, 我地就去探貓貓
貓貓好嗲人, 第一次跳上小慈大脾, 開心到小慈不得了!
貓貓兩兄弟
大自然既一切都係美好, 令人心曠神怡, 得閒真係要多 D 接觸大自然 ^^
沒有留言:
張貼留言