與琳琳相約在父親節

真係約都冇咁岩架!  今年爺爺飛左去印尼, 正日唔駛慶祝, 點知美芝同琳琳又係正日得閒, 太掛住冇見好耐既契女, 就約埋一齊見面啦!  叻叻既琳琳獲獎無數 ^^

琳琳搬左新居, 八八卦卦周圍睇, 依?  呢張相係我影架噃!  當時同琳琳慶祝 3 歲生日, 帶左佢去一間餐廳又有得餵兔仔, 又踏單車又玩 bubbles, 好開心架!  眨眼間已經咁大個女

除左學結他, 琳琳仲學緊油畫, 畫得超靚呀!!  快 D 畫張送俾契媽

好榮幸可以食到美芝煮既西餐, 好味呀!  太鍾意食芝士  :p

有 wii 就完全唔駛玩其他野, 見佢地肉緊地一齊玩孖寶兄弟, 死廿幾三十次都要繼續玩, 終於過版既歡呼聲真係連隔離屋都聽到, 笑死我了!

每次都覺得時間太短, 但其實今日已經由 3:00 玩到 9:00 pm!!  打機打咁耐真係怕會近視加深啦!  下次健康 D 一齊游水!!