獎勵

弟弟非常羨慕小慈家姐 10 歲生日時, 朋友仔夾份送左隻 Baby-G 俾佢, 恨到流口水, 唸唸有詞成日同我講: 「如果我都有隻 Baby-G 就好啦.......」哈!  知仔莫若母, 其實我一早買左俾佢, 本來想留番黎做生日禮物, 見佢咁恨, 但我又唔想咁容易就送大禮俾佢, 話晒隻錶都幾貴, 小慈都要 10 歲先有啦, 於是, 我請弟弟努力考試, 如果佢科科 75 分我就送俾佢啦!  要求唔算高, 如果弟弟用心 D, 小心 D 佢一定掂!

點知, 派卷第一日已經出師不利, 中文得 72 分, 當然寫錯字呀, 漏標點都俾老師扣 5-6 分, 唔扣咪夠數羅!  Down 到不得了既弟弟同我求情, 問可唔可以一科主科夠 75 分就得?  佢好有信心 Science 會考得高分!  咁便宜你?  梗係唔 ok 啦, 咁嘞, 一人讓一步, 平均分 75 分啦!  咁都攞唔到就真係幫你唔到...

終於, 小明科 Science 歷史性地取得 98 分!  如果唔係睇錯 coral fish, 份卷 100 分, 真係好叻仔, 好叻仔!  最好笑係弟弟返黎話: 「D 同學話郭恩明睇你唔起喎 Science 有 98 分, 全班第 3 最高分!」  我已經爆笑, 係睇你唔出, 唔係睇你唔起呀, 傻瓜  >v<  聖經科亦有 90 分, 其他科都有 7X, 所以佢平均分有 82 分, 爸爸媽媽收貨  :)

重要時刻由小慈家姐做代表頒獎俾 98 分既小明~~~~

努力後有成果, 弟弟特別開心!!

考試時寫既字, 我真係覺得好靚喎, 同平時真係有天壤之別  >.<  天生愛自由, 做咩都點到即止, 覺得 OK 啦既小明, 假若有朝一日識得再肉緊 D, 我相信佢會係一個出色既人!

爸爸一早都預計到小明會考得好, 所以預訂左玩具俾佢, 開心 C

隻衰豬係真係抵錫既!