牙仔

半年一度牙齒檢查, 確保牙齒健康生長 ^^  兩姐弟在偷聽爸爸洗牙有冇慘叫, 笑死我了!

上次手動拔大牙, 事隔已經 2 年, 牙醫姨姨話小慈有 3 隻尖牙都鬆鬆地, 要俾佢自己甩, 仲有 8 隻 BB 牙先叫全部換晒!  呢幾隻牙仔太逼, 新牙都未必有位生, 希望大牙可以退後少少俾佢出, 要密切觀察住, 遲下都要見一見箍牙醫生

小明 D 牙仔就嘆慢板, 甩兩隻 BB 牙之後今次都係冇牙鬆, 隻隻實的的, 不過上顎就終於出埋兩隻 6 歲齒, 當年今日, 小慈 7 歲 8 個月已經甩左 8 隻乳齒出左 4 隻恆齒.... 真係相差甚遠~~  Anyway, 牙醫姨姨話男仔係咁, 咩都遲過女仔既, 特別吩咐小明擦牙要特別深入, 要擦得乾淨 D!

愛錫弟弟既小慈真係常伴左右, 差 D 想做埋助手

小慈的喜怒哀樂

小明的哀好慘慘豬啊

終於可以上媽媽新 office 攪攪震

新的 machine room, 小慈好想係度表演打字, 可惜而家耳目眾多太多其他老闆唔方便啦

熱情的同事們又送提子乾又送朱古力俾佢地, 豐收呀!

仲有幸食到我老闆親手整既 farewell cookies, 好好味呀!

食完甜野係要飲水同擦牙架!