結婚 13 周年

未試過一個 6 月過得咁辛苦!  先係搬 office, 由細屋搬去籠屋, 勁唔習慣又多手尾跟, 之後到小慈小明考試都無暇兼顧, 好在有個老公幫手跟下眼, 無數咁多會要開樣樣都話 urgent, 仲要上頭終於下旨, 兩個星期之內攪一個大型 farewell party 俾大老闆, OT O 得咁少都算偷笑!  雖然我唔係日理萬基, 但真係完全感受到咩叫人在江湖身不由己....

今日, 6月22日係我一生中既大日子, 無論咩情況之下我都一定、必定、鐵定要同我最愛既老公慶祝我地既結婚周年紀念!!

知道秋秋鍾意靜, 我地今晚黎到半島既 Verandah, 真係好靜好少人咋, 我地張枱望住太空館仲要非常近 food corner, 好 free, 食物水準非常高!

我最喜歡鮑魚、蟹鉗, 秋秋勁鍾意刺身魚生話非常新鮮, 自製士多啤梨 sorbet 凍得黎入口即溶, 好滑, 我地食得好開心, 飽到上心口 ^^

酒店仲非常貼心地送左個梳乎里賀我地 13th Anniversary ^8^

開心野舖上網同大家分享~

點知有百幾人恭喜我地, 真係多謝晒呀!!  最 sweet 就係老公留言俾我 :)

感謝神讓我認識你, 互相扶持, 相愛相親!

I love you so~~~~~