香港青少年鋼琴公開賽

琴老師鼓勵小慈參加公開賽吸收演出經驗, 小慈又肯參加噃, 好啦, 山長水遠帶你去大會堂比賽

英國特色建築一定有皇冠, 不過下面個隻係麒麟? 龍?

報到, 眼前咁多獎杯, 小慈好想帶其中一隻返屋企 ^^

全日小學組有 4 場比賽, 小慈呢場要同 04-06 出世既小朋友比賽, 有小朋友 3 歲學琴而家已經 8 級或以上, 出賽無數次, 小慈 10 歲都未夠要同 12 歲比真係冇得 fight

小慈表現鎮定, 琴聲溫柔, 出到技巧同埋投入感, 彈得幾好架, 奈何佢首自選曲對比其他小朋友一首歌 8 頁紙既樂譜真係太淺, 勝算真係好微!  當係一次好好既見識, 真係吸收下經驗, 知道鋼琴原來可以去到咁既境界

評判林曦先生不諱言會比難度高既曲目多一 D 既分數, 都好正常, 所以小慈話校際音樂節大家彈同一首歌公平 D

都有 80 分符合銀獎獎狀要求, 幾好丫!  評判話佢 nice tempo nice job 架!

你肯去參加比賽, 肯去嘗試, 肯去突破自己, 媽媽已經好開心喇, 乖女!

Good job!