佢話係前面貓貓手, 好靚仔個個就係佢喎 >.<
呢個就係小明既隔離位, 孔繁恩
老師對小明既評語:
「恩明, 你係一個好有能力既學生, 只要你專心, 所有野你都做得到亦都做得好好, 因為天父賜予你好多能力, 希望你為自己定下目標, 令自己進步, 你有能力令自己更加成功, 叻 D 呀!」
短短十分鐘既會面, 班主任王老師講左 3 次恩明係有能力既小朋友, 爸爸完全覺得係佢細個見班主任既翻版!! 「郭長秋你好聰明架, 唔好咁拿西你既成績一定可以好好架, 有天份架你.... 云云」.... 真係不可思議, 點解會似得咁緊要?! 不過爸爸其實好唔鍾意班主任咁講, 既然我咁聰明, 駛咩咁辛苦去追成績呢? 出少少力就得啦.... 所以, 而家爸爸既教仔方式係不停挫郭恩明既銳氣, 成日話佢懶醒.... 我就唔係好明呢種心態, 不過爸爸係過來人, 真係得佢先知點樣對付自己 >v<
見完小明就到小慈, 真係好忙碌架
前排 Yeah 緊好近老師個個就係小慈喇
Zoom 近 D 俾大家睇 ^^ 三信班有好多勁人, 全級頭 3 名都係佢個班
排排坐, 等結果
over run 得好緊要, 睇下書 D 時間過得快 D
十隻字入面隻隻都唔明, 中文咁差咩? 原來弟弟睇緊個本係謎語, 梗係唔明啦, 要爸爸坐低講解
小慈既評語就慘烈好多, 佢跌左 20 名, 中文同數學要急起直追 V_V 特別係中文作文, 今次跌得咁緊要皆因佢作到離題呀, 150 字, 又真係難左 D, 要加緊訓練. 不過班主任繆老師就話恩慈好乖, 好受教, 上堂都專心又肯幫助別人, 因為佢乖, 只係唔小心, 唔係太擔心佢追唔上, 不過要下多 D 苦工! 過目即忘係小慈最難攪既部份, 真係要不停練習佢先記得! 再努力啦!
呢個係好出名既小賣部
出名貴呀 @.@ 佢賣既野好多都係小慈小明食物盒有既, 所以唔駛幫襯小賣部
一個有能力, 但未盡全力做好, 一個冇咩能力, 要再努力做好, 都係個句, 俾心機讀書啦!
沒有留言:
張貼留言