小慈第一次派成績表

今日係小慈人生中第一次派成績表, 我心情都好緊張!!  雖然學校通告話家長唔需要帶幼兒返學開家長會, 不過我地既問題係小慈唔肯俾我地賣甩一定要死跟, 於是一家三口一齊出發喇 ^^

學校新裝修光猛左好多, 參觀下班房, N1 班有 19 個小朋友

小慈呢個咩表情黎呢?!

老師問我地羅左好多相原來用黎佈置課室加強小朋友既歸屬感

呢張相係小慈第一日返學影架

老師好有心機

小慈畫既水仙花

小慈好鍾意我地跟佢返學校, 開心到不得了, 仲為我地介紹佢既廁所

返左學差不多半年, 小慈已經成功戒片, 能自行進食, 有良好生活習慣及自理能力, 老師功不可沒!

呢本就係小慈既 "幼兒發展檔案", 估唔到係咁大本, 我仲以為係一張成績表咁添

非常詳盡細心分析!!

小慈既體能, 認知, 語言, 情意和群性發展大部份都掌握熟練, 進展良好!

老師俾小慈既意見都好正面呀!

陳老師同郭老師都一致地話小慈乖, 上堂留心, 有反應, 識表達自己, 仲最鍾意唱歌跳舞, 讚佢係乖學生, 老師對佢好滿意!!

小慈, 爸爸媽媽好開心呀!  以你為榮 ^8^