隔左個農曆新年, 今日先返健康院檢查, 首先係度高磅重, 結果如下:
- 淨重: 6.23kg = 13.7 磅 (75線)
- 頭圍: 40.5cm (75線)
- 身長: 60cm (60線) 發展都好理想呀 ^^
跟住見姑娘做發展監察, 我有好多問題要問姑娘, 答我既姑娘就係教我吱人奶係屋企做人奶庫個位, 佢真係好好人咁答晒我所有既問題! 其中最重要既係我問姑娘點解弟弟個嘴經常有一層白色好厚既嘴皮, 仲會成日甩皮添架喎?! 姑娘竟然答我係弟弟吸奶吸得太用力啜到個嘴皮厚晒腫晒變白色, 要轉奶咀同埋唔好擰到個奶樽咁實! 空氣入唔到根本啜唔到奶 @.@
另外我話弟弟表情呆, 姑娘反問我有幾多時間對住佢同佢傾計? 玩? 係咪有時間都照顧左家姐先? 以前得家姐一個梗係多時間教佢啦, 所以唔好怪弟弟冇咩表情! 不過可以叫家姐同弟弟講多 d 野, 家姐教好過大人教架! 小朋友聲調高 d 尖聲 d, BB 好鍾意聽架!
聽完姑娘既說話, 返屋企即刻 action! 第一時間就係掉左弟弟所有黃色 chu chu 奶咀轉晒白色! 之前弟弟餐餐都飲到個奶咀扁晒都估到有問題, 而家轉左白色出奶係快左好多, 不過個奶咀好硬, 弟弟飲得好慢, 都要時間適應!
第二就係羅番 d 點點 flash card 出黎俾弟弟睇, 刺激下佢既視覺發展! 弟弟又乖喎, 真係目不轉睛咁每張睇 10 秒 ^^
小慈返左學我對住弟弟既時間真係多番好多, 冇計啦, 我想佢兩姐弟既感情好麻, 唔想小慈覺得弟弟係一個威脅, 所以好多時我都係放低弟弟滿足左小慈先, 希望兩姐弟都明白爸爸媽媽既苦心~~
沒有留言:
張貼留言