第 200 支人奶

今日一定要記錄, 因為今日係我泵既第 200 支人奶既大喜日子 :DDDDD

200 支呀~~  雖然我每日既產量並唔係太多

但每日都好努力咁泵 3-4 次架, 叫做幫補下弟弟 d 奶粉啦!

一餐人奶一餐奶粉咁飲, 一罐森永細仔飲得 11 日架咋!  慳得一蚊得一蚊

不過弟弟近來都叫做穩定番唔再搶奶, 每日飲 5-6 餐, 每餐 180 ml

太好了!!

弟弟第 1 個大年初一

大年初一, 祝大家牛年事事順境, 身體健康, 今年勝舊年

弟弟未出世已經買左件賀年衫俾佢去拜年, 今日就同佢裝身, 化身一個呆呆滯滯既小皇帝 ^^

小慈都好嬌俏架

弟弟第 1 年逗利是, 親戚們個個都爭住抱佢

弟弟訓左任抱唔嬲

個個都話佢肥嘟嘟似麵包超人

爸爸的大表哥

瀟灑既爸爸揹住個仔

快閃拜年黨, 事關阿主角肚餓要返屋企開餐喇~~

5:30pm 飲完 180ml, 8pm 又喊, 我同弟弟講未夠鐘飲奶, 弟弟即刻答我:

"No~~~~~~"

笑瓜我呀 :)

年三十晚弟弟 2 個月大

弟弟 2 個月大喇~~ 

係我地既努力之下, 而家已經糾正到弟弟 1 日飲 5-6 餐, 4 個鐘餵 1 次, 每次 180ml, 比奶粉罐既指示多左少少, 但 4 個鐘先餵佢 1 次我地已經輕鬆左好多好多!

2 個月大既弟弟講多左好多音 -- 呀~~ 噢~~ 唔~~ 姑~~ 嗚~~ R~~ L~~ 等, BB 音真係好好聽 ^^ 

呢幾日天氣反常得緊要, 弟弟成日都有 d 鼻塞塞咁抖氣有聲, 呼吸重, 成日都要幫佢撩鼻屎!  希望佢唔係作病啦 @.@

1 個月大個日係聖誕節, 2 個月大既今日係年三十晚, 真係咁岩得黎好攪笑 :D

全家總動員出去食團年飯, 平時肯訓 BB 車既弟弟唔知係咪因為環境嘈吵, 成餐飯扭抱大喊,
攬住就訓左成晚, 埋單走先起身

影到弟弟打左個乞嚏

返到屋企就好精靈, 扮 Matrix

小慈都影埋一份

兩個既表情都好攪笑呀

2 個月全家幅

年廿八全家過海打針

就黎 2 個月既弟弟要打防疫針了, 除左初生個幾針係醫院同埋係健康院打之外, 其餘既針就會去私家打, 弟弟今日就要打 5 合 1 同埋食輪狀病毒

 第一針一定要去銅鑼灣總辦事處辦手續, 之後既針就可以去搵番分區既醫生, 既然要去到過海咁遠既診所, 順便就全家一齊打流感針了! 

磅重先, 弟弟連埋衫竟然有 14 磅, 今日得 10 度扣埋 d 厚褸怕且 13 磅係冇走雞既!  肥仔啊~~~~

打針食藥都好乖, 喊左少少, 口服既輪狀都有吞晒, 醫生話好多 BB 反胃嘔架, 小明都算係咁 (食對佢黎講冇難度啦!)

小慈見住我同秋秋打針扮晒開心咁, 輪到佢打時就話自己好勇敢唔會喊, 講得出做得到真係冇喊啊~~  醫生讚佢乖到不得了, 係咁請佢食棉花糖

抱住弟弟係銅鑼灣既鬧市行, 竟然吸引左好多途人既目光!  大家都話弟弟好大隻似 3 個月大, 係好肥呀, 咁樣抱佢行一轉腰又痛, 手又痛, 一定要用揹帶先攪得佢掂!

爛訓豬

真係俾 d 天氣玩謝左, 今日又跌番去 13 度喇, 好在屋企就好多睡袋, 包實 2 隻爛訓豬仔就唔怕, 不過弟弟都可以破睡袋而出訓成咁....

瞓到俾人賣左都唔會知.....

呢張相成個女咁, 美人托腮?!

死肥仔

包包面

終於都等到機會放弟弟上膝頭哥同佢傾偈而佢係唔喊既 :D

不過個衰仔都係合埋眼, 唔理, 照同佢影下 close up 先, 竟然俾我影到佢個超級包包面, 塊面仲要成個四方形咁呀!  見唔見到塊面起 90 度角呀?  真係好誇張 ^^

超級雙下巴, 人人都話佢好抵打

終於影到弟弟有 d 表情

又扭抱抱喇.....

早兩日返嫲嫲屋企食飯撞到 d 街坊, 佢地讚我湊得弟弟好好 (終於吐氣揚眉, 小慈 BB 時岩 size 不過唔係好夠肉, 而家弟弟肥成咁證明唔係我湊得小慈唔好 :P)  不停讚弟弟好靚, 面色好好, 頭髮又令似爸爸, 不過我就有 d 擔心弟弟既頭髮好油呀!!  1 日唔沖涼 d 頭髮就黐埋一齊, 額頭仲有頭油味添!  Oh No~~~

難道肥佬真係有陣肥膏味??!

肥脾

1 月中既天氣都係反覆無常, 上星期都仲係 9 度, 今日竟然有 25 度!!

不過弟弟好少出街影響都唔係太大, 但我趁天晴溫暖就把握機會幫弟弟影下半裸照先 ^^

弟弟胸圍 17" 肚圍 17.5" 頭仔 39.5cm 重 12.5 磅

大脾仔好肥美有 8" 小腿都 6" 架, 係咪想整隻左脾嘆下呢?  :DDDDD

不枉佢由冬至到而家每日都飲 1000ml 奶以上, 最恐怖個日係飲左 11 餐, total 1450ml 奶 @.@

森永細仔建議 1-2 個月大既 BB 每日奶量係 160ml x 6 次 = 960ml

弟弟已經遠遠超前, 所以碌脾脾咪變左肥脾羅!  幾宏偉!

Daily work

近來小慈成日都見到我地羅住相機影弟弟, 於是佢又學我地咁影相, 呢兩張相就係小慈既作品, 記錄住我坐月餵奶既生活~~

我地發覺弟弟冇小慈 BB 時咁多表情, 主要係因為弟弟次次訓醒就係扭計飲奶, 完全冇平靜既時間同我地玩, 都冇得放係膝頭哥上面傾計......

唉~~ 唔覺意影到我肥胖既下身, 家陣仲有成 36" 既豪華臀 @.@

餵緊人奶都唔理得咁多, 遲 d 先減啦!  不過都仲著得番以前 d 低腰牛仔褲 ^^

接放學

老師出通告話連續 3 個星期五都可以請家長接小朋友放學時順道參觀課室, 以加深了解幼兒在校既生活, 我梗係唔會放過呢 d 機會啦!  平時送佢返學放學都係出面換鞋仔, 真係冇機會入課室參觀

4:30pm 準時到達學校, 原來小朋友係玩住玩具等接放學咁開心 ^^

小慈見到我時唔係太驚喜, 因為佢好忙碌咁玩緊泥膠, 不過佢都有介紹佢既同學仔俾我識

玩左一陣佢就話要執野返屋企, 但搵黎搵去都搵唔到個泥膠蓋, 明明枱面有一個蓋佢話唔係佢既, 佢個個係白色自己仲周圍咁搵!  我真係幫佢唔到, 好在呢個時候郭老師出現, 我同佢講發生咩事之後, 郭老師真係話小慈個泥膠蓋係白色架!!  再望一望其他泥膠就發現有小朋友羅錯左佢個個 

勁呀!  郭老師真係超級細心!  好野呀!  小慈超級好記性!!  佢地每個小朋友都有自己既專用泥膠, 有貼相以茲識別, 估唔到小慈連自己個蓋係咩色都記得, 仲堅持一定要羅番自己既野, 非常有原則既一個小朋友呢!  搵番自己個白色蓋既安心晒 ^^

天氣凍左好多, 小慈淨係著風褸唔夠暖, 但學校又冇校褸要自己預備

著完件厚褸成個人好腫脹差 d 行唔郁

硬漢子

今日弟弟俾左 2 個驚喜我地!!

首先係今朝我同佢傾計, 佢無啦啦爆左 2 個音出黎好似識應我咁!  好清楚咁講 "R" "L" 好 cute 呀~~~~

跟住秋秋放工返黎同弟弟玩, 一手托住弟弟個隔肋底同我講弟弟識企呀!!! 

力大無窮既弟弟腳仔有力撐得住自己 ^^

飲得奶多果然腳仔有力!

弟弟 1 個半月大皮光肉滑

Day 45, 弟弟 1 個半月大喇~~  今日佢既時間表係咁既:

1:00-2:20 am 森永 180ml (嘔) -- 飲完先屙屎, 換片就嘔奶, 岩岩換完片佢又屙

4:40-6:00 am 森永 160ml (嘔) -- 已經等左半個鐘先換片都係嘔, 仲要噴奶!!

8:00-8:20 am 森永 100ml (嘔) -- 又要飲又要喊, 質佢飲最終係濁親嘔左少少

10:40-11:20 am 森永 180ml -- 俾奶粉, 怕佢又嘔晒... 好在冇事

12:30 pm 洗白白, 影相

1:44-2:20 pm 人奶 160ml -- 訓住飲, 餵到我發脾四啦!

5:00-5:20 pm 森永 180ml -- 今次乖番

8:30-8:45 pm 人奶 150ml -- 15 分鐘飲晒 very good

9:30-9:40 pm 森永 60ml -- 唔夠皮, 一定要飲 180ml 以上先肯訓

係唔係好激氣呢?  早兩日仲因為弟弟 1 個鐘喊 1 次, 又要飲又要嘔咁又變番 1 日飲 8-9 餐, 攪到我突然崩潰 pat 左佢俾工人然後我呢入房狂喊左 1 個鐘頭!! 

真係頂佢唔順, 好攰, 完全唔識湊佢, 好唔開心....  好在仲有個老公, 唔理佢返緊工都打俾佢哭訴, 佢氹番我, 本來平靜番點知今日個衰仔又激我, 往往仲要半夜先黎唔生性, 餐餐都要飲完先屙屎, 又有潔癖, pat pat 污漕少少唔舒服都大喊 call 人call 到同佢換片為止, 但一提高腳同佢換片就嘔奶, 簡直係一個惡性循環!!!  真係想唔理佢由得佢臭.....

唔係念在佢個樣越黎越得意, 皮光肉滑咁真係想打扁佢呀!

個半月人仔識鬥雞眼 + 豬嘴氹得我好歡喜, 一啖沙糖一啖屎呀衰仔!!!!

冇人搶你支奶架, 慢慢食啦.....

弟弟返健康院檢查

今朝要返健康院做發展監察, check 黃, 仲有打乙型肝炎第 2 針, 先要度高磅重:

淨重: 5.03kg = 11 磅 ( 80 線 )  頭圍: 39.2cm ( 90 線 大頭仔?! )

見醫生做身體檢查, 摸頭骨/盆骨/拉手腳關節/ check 瞳孔 & check 黃

Yeah~~~ 一切正常呀!  感謝天父!!

同醫生講 1 個月大既小明而家既奶量係 160-180ml x  6 餐, 醫生又冇表示咩喎, 淨係話有人胃口大 d , 有人胃口細 d, 佢食得落就俾佢食咁, 仲話好在佢食得多屙得多佢 d 黃先退得咁好如果唔係有排攪

跟住見姑娘, 姑娘讚我湊得好, BB 重得好好!  只要每餐唔好相隔太近, 至少 3 個鐘就 ok, 冇咩野要擔心, 屋企仲有個家姐時間分配上要公平 d, 自己又要休息得好 d, 仲有 keep 住餵人奶已經好叻, 話我好有經驗做得好好云云  ^^

小明喊肚餓啦, 飲緊一半奶奶姑娘叫名到弟弟打針, 好在今日唔算太多人可以等我餵埋先, 本來弟弟飲完係訓左覺架, 吉佢一針大脾仲要整醒左佢就喊到七彩, 好在拍佢兩下都收聲又訓番, 都算乖~~

1 個月大既弟弟開始硬頸, 可以撐起自己 2 秒!  訓覺鍾意露兩手, 用枕頭壓住佢訓最長可以訓 5 小時!  面上既暗瘡皮俾佢自己用手套仔擦走晒, 開始面紅皮滑靚仔番少少 :)

兩姐弟洗完白白係度傾密偈

床照 :DDDD

一有機會小慈就對弟弟攬攬錫錫架勒~~

So sweet and lovely!!

弟弟轉細碼片

尋日秋秋好驚喜咁同我講弟弟識 "眼神追蹤" 呀!!

放弟弟係大脾用手指引佢由左至右咁望, 弟弟真係跟到, 用 d 指套公仔引佢效果仲理想

終於用晒 d 初生片存貨, 可以幫弟弟換細碼片片喇!  忍左佢好耐成日漏尿 and 每次屙屎都一定屙上背脊, 細碼片 good fit 呀, 好岩身~~

仲有發現弟弟條頸開始有 d 力, 於是放佢係梳化影相先

有比較先知佢有幾大隻

日日飲 1000 ml 奶以上, 就係導致超級包包面既主因! 

塊面豬躉向我招手.....

快高長肉!!   辛苦都叫做有 d 價值 :D

Happy New Year 2009

新的一年, 想維持呢個搶奶 BB 4 個鐘先飲 1 次奶

為求達到目的, 我地不惜轉過 d 大奶樽以加大弟弟每餐既份量到 160ml / 1 餐, 希望佢一餐飲飽 d 就可以同下一餐隔番開

當然世事往往就不如人願既, 今日有少少進步, 只係餵左 9 次, 不過因為份量大左, 弟弟全日係飲左 1290ml 奶!!!!  It's a New Record!!

咁細個胃, 究竟可唔可以裝咁多奶既呢  @.@

37 日人仔仲學識扭抱, 用細 cushion 握佢係 not ok 既

換個再大 d 既先得, 呢一覺都訓左 2 個鐘.... 肥到冇頸呀佢.....

飲飽奶奶訓到反白眼

仲夢中偷笑添!  難為你阿媽我真係笑唔出..... 攰 C 人咩!!!

公眾假期去爺爺嫲嫲屋企食飯, 回家路程上小慈家姐幫手推 BB 車 ^^

新一年祝大家飲飽食醉, 發個好夢!!