年廿八全家過海打針

就黎 2 個月既弟弟要打防疫針了, 除左初生個幾針係醫院同埋係健康院打之外, 其餘既針就會去私家打, 弟弟今日就要打 5 合 1 同埋食輪狀病毒

 第一針一定要去銅鑼灣總辦事處辦手續, 之後既針就可以去搵番分區既醫生, 既然要去到過海咁遠既診所, 順便就全家一齊打流感針了! 

磅重先, 弟弟連埋衫竟然有 14 磅, 今日得 10 度扣埋 d 厚褸怕且 13 磅係冇走雞既!  肥仔啊~~~~

打針食藥都好乖, 喊左少少, 口服既輪狀都有吞晒, 醫生話好多 BB 反胃嘔架, 小明都算係咁 (食對佢黎講冇難度啦!)

小慈見住我同秋秋打針扮晒開心咁, 輪到佢打時就話自己好勇敢唔會喊, 講得出做得到真係冇喊啊~~  醫生讚佢乖到不得了, 係咁請佢食棉花糖

抱住弟弟係銅鑼灣既鬧市行, 竟然吸引左好多途人既目光!  大家都話弟弟好大隻似 3 個月大, 係好肥呀, 咁樣抱佢行一轉腰又痛, 手又痛, 一定要用揹帶先攪得佢掂!