Last Day in Zhangzhou!! 今朝既行程係冇行程 >v< 不過要預備午餐搭動車時食, 所以我地去左超級市場! 竟然遇到神奇扶手電梯
去超市坐車仔係小慈小明既指定動作, 坐啦坐啦, 再大隻 D 就想坐都坐唔到架喇 ^^
話說租用呢 D 超市車要俾 RMB $1 硬幣按金, 鑄造一個硬幣既成本遠超過 $1 既價值, 竟然引起炒家掃貨, 導致國家唔再出硬幣只出紙幣, 所以, 返黎咁多日, 都係第一次接觸「硬野」咋
發現得意可愛暖手袋, 叉電式非常方便環保, 於是我地一買 4 個, hand carry 返屋企
好有米呀!
購物中的小慈：「唔該! 我要最高個排第三行個包丫! 」
昊化身六師弟：「等我用輕功水上飄幫你攞落黎啦！」
神奇扶手電梯落斜架車都唔跣架!! 滿載而歸 :)
返酒店 check out 了, 阿瑾姨姨黎餞行! 呢幾日多謝你熱情貼心既招呼, 仲買左好多手信送俾我地添! 多謝你 ^^
水仙花, 咸牛奶, 花生, 餡餅, 地瓜餅, 米通, 肉乾, 茶葉, 土筍凍........ 全部都係爸爸小時候既最愛, 而家拎晒返香港, 打爆左兩個行李箱
仲有呢個糯米串串, 撈黃糖花生真係好好食!
小慈都讚不絕口
要走了, 好多親戚黎送行, 仲出車送我地去車站
爸爸既表弟阿豪叔叔, 專登請半日假車我地又送禮物俾小朋友, 多謝你!
你睇我地幾似走難 @.@ 好在係搭動車, 如果搭飛機, 行李一定超重罰錢
和諧號我地黎喇! 今日坐 1 號車箱司機隔離 :)
有枱架 ^^
用黎食杯麵岩晒
今日天氣非常好, 風光如畫! 呢幾個鐘頭小明淨係數牛都好唔得閒, 真係好多農地呀
攪笑既深圳鐵路車箱
最興奮都係突然出現廣告動畫
過關都已經黃昏了
Welcome (back) to Hong Kong ^^
暖手袋係我地唯一出錢買既野, 其他禮物都係親戚送, 真係好多謝佢地!
漳州名產「咸牛奶」, 送粥真係一流!
好味!
小慈小明對鄉下既印象非常之好, 好唔捨得話好想住多幾日!
呢個星期仲令到佢地既普通話突飛猛進, 又識多左簡體字, 唯一唔習慣好多人吸煙, 飲食偏咸及肥膩, 同埋過馬路時單車摩托車會同你一齊過, 四方八面咁黎真係要高度集中注意! 總括而言對中國大陸有非常深刻既體會, 摩托車功不可沒!
親戚話新墳墓, 第一年清明節要返去拜祭, 所以, 今年 4 月我地又要返去咯! 果然係 see you soon ^^
