學校今年終於復辦陸運會, 條件係運動會前14日要打晒兩針, 估唔到我地之前孖孖叉叉逼同學打針而家有好處!?! 於是, 所有可以報既項目全部報晒, 弟弟初時諗住穩穩陣陣報 100 / 200, 梗係錯晒啦! 佢都唔係爆炸型, 佢跑街跑到去孖橋架麻, 咁好氣梗係跑 400 / 800 啦! 怕佢太辛苦, 如果唔係會報埋 1500! 小慈就報左 8 項, 好有信心自己可以攞牌 ^^ 兩姐弟整裝待發出發喇!!
專登買新波鞋俾你地, 加油呀!!
賽程表
等消息等左成日, 問小明點呀? 佢影左呢張相俾我!!! 嘩~~~ 冠軍呀!!!!
小慈呢? 係一排呀 @.@ XDDDDD 超勁!!
小明場上既英姿
運動會分兩日進行, 第一日突然跌到得番 12 度, 第二日先有太陽, 好在佢地有比賽項目, 如果唔係坐看台肯定凍僵
見唔見到小慈呢? 佢大脾有好強勁既肌肉
呢張起跑好有型
呢張接力相我笑左好耐 XD
男子丙組 800 米冠軍!!! 超叻仔! 弟弟話佢係由第二名反超前個第一名, 全場為佢歡呼喝采!!!
男子丙組 400 米季軍!! 弟弟以為自己今日已經冇力比賽, 分開兩組跑又唔知自己有冇牌, 點知最後計時間自己竟然有季軍, 驚喜到不得了! 咩信心都番晒黎!! 凡事盡力做好就無悔!
女子乙組 400 米冠軍!!! 小慈終於一洗千年老二之名!! 好叻好叻!! 媽媽真係好開心!
女子公開組 1500 米亞軍!! 1500 米呀! 完全係靠鬥志! 小慈話佢跑跑下已經唔記得自己跑左幾多個圈
女子乙組 800 米亞軍!! 呢個 800 撞左跳遠比賽, 老師又話可以等佢跑完補跳, 點知跑完返黎已經收左檔, 小慈好唔開心, 如果唔係佢贏 6 塊牌會羸到女子乙組全場總冠軍架!
社際 4 x 400 米接力季軍, 為綠社爭光
Zoom 近 D
小慈既 4E 班贏全校班際總冠軍!! 真心勁! 好開心可以係呢一班咁話
曬命時間
BFF Minnie
小慈既最好同學
唔齊人又加左 D 人既班相
班主任李文傑老師, 之前亦都係小明既 Form 1 班主任
我既冠軍乖仔乖女!!!
真係好叻! 平時又冇訓練, 又冇操體能, 點解可以咁勁架!!!
咁多個牌會唔會斷頸?
史上最強的一次 ^^
小慈自己都好滿足! 影完呢張相就走左去瞓, 攰到扒街
弟弟話, 有 D 同學成日都聽到 "郭恩 X 請到頒獎台前領獎".... 問點解你地兩姐弟咁犀利? 你阿爸係咩人黎架? (阿媽唔得既?!) 仲話原來弟弟冇吹水, 上次個 Power Point 寫到爸爸咁勁, 上知天文下知地理咁, 原來係真架喎!!! 氹到已經開心既爸爸更加眉開眼笑, 耳都紅埋 XDDDDDDD
衷心感謝天父俾小慈小明有咁大既滿足感! 為香港既中學生涯畫上一個完美句號! End on a high note!!!
沒有留言:
張貼留言